Чуулганы өнөөдрийн нэгдсэн хуралдаан эхэллээ. Хуралдаанаар хамгийн эхэнд Монгол Улсын сонгуулийн тойрог байгуулах, тойргийн мандатын тоо, дугаар нутаг дэвсгэр төвийг тогтоох тухай УИХ-ын тогтоолын төслийг хэлэлцэх товтой. УИХ дахь МАН-ын бүлэг уг асуудлаар ажлын тав хоногийн завсарлага авахыг хүсэхэд УИХ-ын дарга хэлэлцэж буй асуудал шахуу учраас олон өдрийн бус 25 минутын завсарлага өгөх боломжтой гэлээ.
Энэ хугацаанд МАН-ын бүлгийг хуралдаж уг асуудлаар бүлгийн байр, сууриа нэгтгэ гэж тэрбээр хэлэв.
МАН-ын бүлгийн гишүүд Сонгуулийн тойрог байгуулах, мандатын тоог тогтоох тухай асуудлаар эсэргүүцсэн байр, суурьтай байгаа юм. Учир нь Сонгуулийн ерөнхий хорооноос өргөн мэдүүлсэн дээрх төслөөр орон нутагт 48 мандат, нийслэлд 28 мандат ногдохоор байгаа. Гэвч Говь-Алтай, Булган аймаг нь зөвхөн нэг мандаттай байгаа нь УИХ-ын сонгууль 76 жижиг тойргоор зохион байгуулагдана гэсэн хуультайгаа зөрчилдөж байна хэмээн тус бүлгийн гишүүд эсэргүүцэж байгаа юм. Тухайлбал, Говь-Алтай 60900 хүн амтай 1 мандаттай байхад Өмнөговь 46800 хүн амтай мөртлөө 2 мандат хуваарилсан, Булган 60800 хүн амтай учраас нэг мандатынх нь тоог хэвээр үлдээсэн бол Хэнтий 71200 хүн амтай гэдгээр 3 мандаттай байгаа нь хэр шударга хуваарилалт болов гээд асуудал үүсгэж эхлээд байгаа юм. Нөгөөтэйгүүр, Баянзүрх, Сонгинохайрхан дүүрэгт зургаан мандат ногдож байгаа нь тойргийг нь хэтэрхий жижигрүүлсэн хуваарилалт боллоо гэж буй.
Т.Энхэлээ
