"Монгол ньюс" мэдээллийн төвд памперстай хэвлэлийн бага хурал болов. ОБЕГ-ын дарга асан Т.Дуламдорж, МХЕГ-ын дарга асан Д.Батмөнх, Худалдан авах ажиллагааны газрын дарга асан Д.Энхжаргал тэргүүтэй МАХН-ын нэр бүхий гишүүд намын гишүүнчлэлээсээ татгалзаж буйгаа мэдэгдэж хэвлэлийн бага хурал хийх үеэр намынх нь хөгшчүүд тэдэн рүү живх шидсэн нь энэ. МАХН-ын ахмадууд тэднийг "Урвагч нар, ичээч" хэмээн шүүмжилж байлаа.

Намаасаа гарахаар мэдэгдэж буй гишүүдийн хувьд цаашид МАН-ын үйл ажиллагааг дэмжиж ажиллахаар болсон байна. Тэд энэ талаар ярихдаа "МАХН нь МАН-тай эвсэж, УИХ-д 25 суудал авах боломжтой байсан боловч намын дарга нь дангаараа шийдвэр гарган, гишүүдийнхээ байр суурийг хүндэтгээгүй. МАХН нь Н.Энхбаярын хувийн компани шиг байдаг" гэлээ.

Т.Энхэлээ