"Шадар сайд Ц.Оюунбаатар сонгуулийн хууль зөрчиж үзэг тараажээ" гэх мэдээлэл сошиал сувгаар цацагдлаа.   Түүний тараасан гэх балан дээр "Монгол Улсын Шадар сайд Ц.Оюунбаатар сэрэмжлүүлж байна" хэмээн бичсэн байна. Эл асуудлыг Сонгуулийн Ерөнхий хороо болон бусад холбогдох байгууллага авч хэлэлцэн "Сонгуулийн сурталчилгаа юу, Шадар сайдын ажлын хүрээнд хийгдсэн сэрэмжлүүлэг юм уу" гэдгийг нь тодруулах биз ээ.

Сонгуулийн тухай хуулинд "Сонгуулийн сурталчилгаанд хориглох зүйлсэд тодорхой заалтуудыг тусгасан байдаг.

Тухайлбал, Сонгогчдын саналыг татах зорилгоор: Мөнгө, эд бараа төлбөргүй тараах, хөнгөлөлттэй үнээр худалдах, аливаа үйлчилгээ төлбөргүйгээр болон хөнгөлөлттэйгээр үзүүлэх, төлбөрт таавар, бооцоот, мөрийтэй тоглоом зохион байгуулах; сонгуулийн сурталчилгаатай холбогдсон олон нийтийг хамарсан арга хэмжээ зохион байгуулах / биеийн тамирын уралдаан, хүлээн авалт, дайллага г.м /-ыг хориглосон юм. Дээрх хориглосон заалтыг зөрчвөл тухайн нэр дэвшигчийг нэрийн жагсаалтаас хасах үндэслэл болох аж.