"Баялаг бүтээгдчийг дэмжих" ТББ-ын тэргүүн, “МАСС” агентлагийн Төлөөлөн удирдах зөвлөлийн дарга Ч.Даваабаяр Ардчилсан намаас гарах өргөдлөө өгчээ. Түүний хувьд өнгөрсөн жилүүдэд Өвөрхангайн тойргуудыг усалж УИХ-ын сонгуульд өрсөлдөхөөр бэлтгэж ирсэн. Түүний нэрийг АН-ын ҮЗХ-оос нэрийг нь баталсан ч удалгүй хассан юм.  Гүйцэтгэх зөвлөл хуралдан Ч.Даваабаярын оронд “Дэлгэрэх хүнс” компанийн захирал Д.Жаргалыг нэр дэвшүүлэхээр болсон билээ. Д.Жаргал нь МАН-ын гишүүн байсан бөгөөд УИХ-ын гишүүн Я.Содбаатарын эсрэг санал хуваах зорилгоор нэр дэвшүүлнэ гэх мэдээлэл ч бий. Ч.Даваабаярын намаасаа гарах болсон шалтгаан өөрийнх нь нэрийг хассантай холбоотой байх гэж хүмүүс харж байна. 

Түүний намаас гарах хүсэлтийг Баянгол дүүргийн Ардчилсан нам хүлээн авч, АН-ын гишүүнчлэл болон сонгуульт ажлаас нь чөлөөлжээ.