Баянзүрх дүүрэгт Ардчилсан Нам УИХ-ын гишүүн Д.Зоригт, Д.Арвин, Д.Батзандан, Б.Болор болон ҮЗХ-ийн гишүүн Булгамаа нарын таван хүнийг УИХ-ын сонгуульд өрсөлдүүлэхээр нэр дэвшүүлсэн. АН-ын дарга З.Энхболд нэр дэвшигчдэдээ үнэмлэхийг нь гардуулан, амжилт хүслээ.

Баянзүрх дүүргийн 49 дүгээр тойрогт нэр дэвшсэн Зоригт, өмнө нь 2 удаа УИХ-д сонгогдсон. Түүнийг төр түмнийхээ итгэлийг даасан туршлагатай парламентч болсон гэж улс төрийн хүрээнийхэн үнэлдэг. Монголын улс төр, нийгэм, бизнес эдийн засгийн хөгжилд түлхэц үзүүлэх 98 хуулийг дэмжиж батлалцсан мэргэшсэн хууль тогтоогчийн нэг юм. 98 хуулийг дангаараа, бүлгээрээ, хэсгээрээ санаачилж, зарим хуулийн ажлын хэсгийг нь ахалж, судалгааны багт ажиллаж мэдлэгээ нэмэрлэж тэдгээр хуулийг баталсан байдаг. Салбар салбарын хөгжлийн таатай орчныг бий болгохын зэрэгцээ гүйцэтгэх засаглалд түүний оруулсан хувь нэмэр онцгой. Мэдлэг чадвар, ажлын арвин туршлагатай түүнд АН өр ширэндээ баригдсан Эрчим хүчний салбарыг хариуцуулсан.

Хүнд хэцүү салбарыг богино хугацаанд зөв менежмент хийж, сүүлийн 10 гаруй жилийн хуримтлагдсан өрийг дарж, сүүлийн 15 жилд анх удаа Монголын эрчим хүч ашигтай ажиллаж эхэлсэн нь Зоригт сайдын болон түүний удирдсан мэргэжлийн багийн гавьяа, хичээл зүтгэлийн үр дүн гэж эдийн засагчид үнэлж байна. Д.Зоригтод АН дахин итгэл үзүүлж, Монгол улсын эрчим хүчний шинэ төв болох Баянзүрх дүүргээс УИХ -ын сонгуульд нэр дэвшүүлснээ ийнхүү баталгаажууллаа.

Шинээр бүрэлдэх парламент чухамхүү Д.Зоригт шиг мэдлэг, туршлагатай, улс эх орныхоо төлөө хоёргүй сэтгэлээр зүтгэж чадах ийм л ир, бяр нь ханасан хүмүүсийг хүлээж байна гэж АН-ын дарга З.Энхболд үнэмлэх гардуулах үедээ хэлсэн үгэндээ онцоллоо.