2016 оны сонгуульд нэр дэвшигчдийн сурталчилгаа маргааш эхэлнэ. Энэ удаагийн сонгууль өмнөх сонгуулиудаас содон сонин нэр дэвшигчидтэй гээд өвөрмөц сонгууль болж байгаа. Тэгвэл энэ удаагийн сонгуулийн хамгийн хамгийнийг 24 баримтаар хүргэж байна.

Хамгийн олон нэр дэвшигчтэй тойрог

Баримт 1. Баянзүрх дүүрэг дэх 51 дүгээр тойрог хамгийн олон нэр дэвшигчтэй тойргоор тодорлоо.  

Баримт 2. Тус тойрогт 14 хүн нэр дэвшжээ.

Хамгийн олон эмэгтэй нэр дэвшигчтэй тойрог

Баримт 3. Хамгийн олон эмэгтэй нэр дэвшигчтэй тойргийг мөн л Баянзүрх дүүргийн 51 дүгээр тойрог манлайлав.

Баримт 4. Нэр дэвшигчдийн харааг булаасан энэхүү тойрогт зургаан эмэгтэй өрсөлдөхөөр үнэмлэхээ гардаж авсан байна.

Хамгийн залуу нэр дэвшигч

Баримт 5. МАН-аас Хэнтий аймгийн 42-р тойрогт нэр дэвшиж буй Д.Гантулга1987 онд төрсөн бөгөөд хамгийн залуу нэр дэвшигч боллоо.

Хамгийн ахмад нэр дэвшигч

Баримт 6. АН-аас Архангай аймгийн 3-р тойрогт нэр дэвшигч Р.Гончигдорж 1953 онд төрсөн. Тэрбээр хамгийн ахмад нэр дэвшигч болж байгаа юм.  

Хамгийн олон жил УИХ-д сонгогдсон нэр дэвшигч

Баримт 7. Ц.Нямдорж, Д.Лүндээжанцан нар тус бур зургаан удаа сонгогдож, ард түмнээ төлөөлөн төрд суужээ. Харин энэ удаагийн сонгууль тэдний долоо дахь сонгууль.

Хамгийн олон жил УИХ-д сонгогдсон эмэгтэй нэр дэвшигч

Баримт 8. Д.Арвин дөрвөн удаа УИХ-д сонгогдсон бөгөөд тав дахь удаагаа нэр дэвшиж байна.

Хамгийн олон давхацсан нэр

Баримт 9. Энэ удаагийн сонгуульд Энхболд, Эрдэнбат гэсэн нэртэй хүн тус бүр долоо байна.

Хамгийн олон бие даагч нэр дэвшсэн тойрог

Баримт 10. 2016 оны сонгууль хамгийн олон бие даагч нэр дэвшисэн тойргоор УИХ-ын 65 тойрог тодорч байна. Тус тойрогт дөрвөн бие даагч өрсөлдөж байгаа юм.

Хамгийн олон ижил нэртэнтэй тойрог

Баримт 11. Энэ удаагийн сонгуульд ижил нэртэй хүмүүс олон байгаа. Дорнод аймгийн 15-р тойрогт МАХН-аас Ш.Ганболд, бие даагч Б.Ганболд гэсэн ижил нэртэй хүмүүс нэр дэвшиж байгаа.

Баримт 12. Харин Завхан аймгийн 17-р тойрогт АН-ын Я.Санжмятав, бие даагч А.Санжмятав, Дархан-уул аймгийн 44-р тойрогт МАН-ын Болдын Жавхлан, МУНН-ын Болдын Жавхлан нар хоорондоо өрсөлдөх юм байна.

Хамгийн олон бие даагч өрсөлдөж буй сонгууль

Баримт 13. Энэ удаагийн сонгуульд 69 бие даагч өрсөлдөх гэж буйгаараа онцлог.

Баримт 14. Өнгөрсөн зургаан удаагийн сонгуулиар хамгийн ихдээ 2008 онд 45 иргэн бие даан нэр дэвшиж байжээ. 1992 оноос хойших УИХ-ын сонгуульд нийт 166 хүн бие даан нэр дэвшиж, 9 нь УИХ-ын гишүүнээр сонгогдож байсан аж.

Хамгийн олон нам өрсөлдөнө

Баримт 15. Улсын дээд шүүхэд өдгөө 20 гаруй нам бүртгэлтэй гэсэн баримт бий. Тэгвэл энэ удаагийн сонгуульд 12 нам, гурван эвсэл оролцож байна.

Хамгийн олон эмэгтэй нэр дэвшигч өрсөлдөнө

Баримт 16. Нэр дэвшичдийг хүйсээр нь ангилж үзвэл 129 нэр дэвшигч нь эмэгтэй, эрэгтэй нэр дэвшигч 369 байна.

Баримт 17. Нэр дэвшигчдийн долоо нь эрхэлсэн ажилгүй байх аж.

Баримт 18.  Харин 28 нь хувиараа хөдөлмөр эрхэлдэг хэмээн мэдүүлсэн байна.

Хамгийн олон компанийн захирал нэр дэвшисэн

Баримт 19. Сонгуульд 107 нь компанийн захирал бөгөөд дэд захирал нэр дэвшиж байгаа юм.

Баримт 20. Тэднийг намаар нь авч үзвэл бие даан нэр дэвшигч 21, МАХН-аас 20, МАН-аас 14, БНН-аас 11, ТТЭН эвслээс 8, АН-аас долоо нэр дэвшигч зэрэг байна.

НИТХ-ын сонгууль

Баримт 21. Нийслэлийн ИТХ-ын сонгуульд 9 намын 237, хоёр эвслийн 31, дөрвөн бие даагч нийт 272 нэр дэвшигч өрсөлдөнө.

Хамгийн олон нэр дэвшигчтэй нам

Баримт 22. НИТХ хамгийн олон нэр дэвшиж өрсөлдөж байгаа нам нь Нийслэлийн Ардчилсан нам, Нийслэлийн Монгол ардын нам, Нийслэлийн Монгол ардын хувьсгалт намаас тус тус 45 хүн нэр дэвшисэн.

Хамгийн цөөхөн нэр дэвшигчтэй нам

Баримт 23. Харин хамгийн цөөхөн хүн нэр дэвшисэн нам нь Нийслэлийн Монголын уламжлалын нэгдсэн нам. 

Баримт 24. Тус намаас 3 хүн нэр дэвшиж байгаа юм.

24tsag.mn