УИХ-ын сонгуулийн тухай хуульд “СЕХ нь саналын хуудсыг эрхлэн хэвлүүлж, тойргийн хороогоор дамжуулан санал авах өдрөөс тав хоногийн өмнө хэсгийн хороонд албан ёсоор хүлээлгэн өгнө” гэж заасан. Мөн “Хэсэгт саналын хуудас хүлээн авснаас хойш санал авах байрыг цагдаагийн хамгаалалтад авна” гэсэн хуулийн заалт мөрдөгдөж байгаа.
    УИХ-ын сонгуулийн тухай хуульд “СЕХ нь саналын хуудсыг эрхлэн хэвлүүлж, тойргийн хороогоор дамжуулан санал авах өдрөөс тав хоногийн өмнө хэсгийн хороонд албан ёсоор хүлээлгэн өгнө” гэж заасан. Мөн “Хэсэгт саналын хуудас хүлээн авснаас хойш санал авах байрыг цагдаагийн хамгаалалтад авна” гэсэн хуулийн заалт мөрдөгдөж байгаа. Энэ талаар ЦЕГ-ын дарга, хошууч генерал Д.Сандаг-Очироос зарим зүйлийг тодрууллаа.

-Санал авах байруудыг цагдаагийн байгууллага хамгаалалтад аваад байгаа?

-Цагдаагийн байгууллага хуулиар хүлээсэн үүргийнхээ дагуу УИХ, орон нутгийн сонгуулийн үйл ажиллагаанд нийгмийн хэв журмыг сахиулах чиглэлээр албан үүргээ гүйцэтгэж байна. Сонгуулийн байрын аюулгүй байдлыг хамгаалах ажлыг аль хэдийн зохион байгуулаад эхэлсэн.

-Яг хэзээнээс хамгаалалтад гарсан бэ?

-Энэ сарын 20-ноос хамгаалалтад гарч, хоёр хоногийн дараа буюу энэ сарын 22-нд сонгуулийн хэсгийн байрыг хамгаалалтдаа авч, ажиллаж байна.

-Энэ жил долдугаар сарын 1 давтагдвал?

-Өнгөрсөн “долдугаар сарын 1”-ны тодотголтой сонгуулийн үеэр болсон үймээн шуугиан олон нийтийг хамарсан эмх замбараагүй байдал энэ жил дахин давтагдах учиргүй гэж бодож байгаа. Дөрвөн жил ярьсан ч буруу зөвөө одоо хүртэл ялгаж, тайлж чадаагүй байна. Тиймээс УИХ-ын болон орон нутгийн сонгуульд оролцож байгаа нам эвсэл, түүнийг зохион байгуулж байгаа штаб удирдлага нийт иргэд улс төрийн сонгуулиа хүндэтгэж ёс зүйтэй сайн оролцох байх гэж бодож байна. Ахиж долдугаар сарын 1-ний өдөр шиг харамсалтай зүйл тохиолдохгүй байх гэж найдаж байна.