УИХ-ын 2016 оны сонгуульд нийтдээ 498 хүн нэр дэвшиж байгаагаас гуравны нэг буюу 129 нь эмэгтэй хүн байна. Намууд хуульд заасны дагуу 16 эмэгтэйг нэр дэвшүүлсэн. Тэдний нэг нь АН-аас Төв аймагт нэр дэвшиж буй Т.Энхсайхан. Нүдэнд дулаахан, боловсрол, мэдлэгтэй АН-ын шинэ залуу үеийн нэг. Тэрбээр Ардын намаас нэр дэвшиж байгаа Үндэсний бөхийн “аварга”-тай халз үзнэ. А.Сүхбат өмнө нь Ардчилсан намын гишүүнээр элсч байсан Ардчилсан намаас нэр дэвших квот олдохгүй болохоор Ардын намд сонгуулийн өмнөхөн элсч, Төв аймагт өрсөлдөх эрхтэй болсон гэх яриа байдаг юм.

Тэгвэл нэр дэвшигч М.Энхсайханы оролцсон "За тохирох уу" ток шоу өнөөдөр орой 24.00 цагаас МNB телевизээр гарах гэнэ. Тус нэвтрүүлэг нь маш сонирхолтой бөгөөд иргэдэд инээд бэлэглэсэн үзэхэд тааламжтай гэдгээрээ онцлогтой. Түүнээс гадна уг нэвтрүүлгээр нэр дэвшигчдийг хувь хүн талаас нь харуулж чадах аж. "За тохирох уу" нэвтрүүлэгт оролцсон нэр дэвшигч М.Энхсайхан өөрийн цахим хуудсаар дамжуулан уг нэвтрүүлгийг үзэж хөгжилдөхийг уриалжээ.

Т.Энхэлээ