Орон сууц болон аливаа барилгын гол судсыг инженерүүд хийдэг. Бүтэц, зохион байгуулалт гэхчлэн инженер хүний хийх ажил тухайн барилгын судсыг цохилуулж, амь оруулдаг гэж болно. Товчхондоо инженер сайтай улс орон, дүүрэг хороо хөгжихийн их үндэс юм. Ийм ч учраас инженер хүн, бүр эрчим хүчний сайд хүн манай тойрогт нэр дэвшиж байгаад олзуурхаж, баярлаж байна гэж иргэн Ц.Баасан өгүүлсэн юм.

Эрчим хүчний сайд Д.Зоригт Баянзүрх дүүргийн 49 дүгээр тойрогт АН-аасаа нэр дэвшиж байгаа билээ. Энэ өдөр тэрбээр НИТХ-д нэр дэвшигч Т.Батцогтын хамт Дарь эх буюу Баянзүрх дүүргийн 21 дүгээр хорооны иргэдтэй уулзаж, намын мөрийн хөтөлбөр болоод иргэдийнхээ аж амьдрал, улс орны хөгжлийн талаар халуун яриа өрнүүлсэн юм.

21 дүгээр хорооны хүн ам 11 300 аж. 3 207 айл өрхтэй, санал өгөх насны иргэд нь 7000 орчим юм байна. Нэгэн үеэ бодвол Дарь эх орчим хөгжиж, гудамжууд гэрэл гэгээтэй, цэвэр, тохилог болжээ. Бүр Дарь эх цогцолбор гэх амралт зугаалгын төв хүртэл баригдсан байна. Яваандаа энэ цогцолбор газрыг Зайсан толгой шиг сайхан хөгжүүлж, тохижуулна гэдгээ уулзалтын үеэр Д.Зоригт сайд өгүүлж байсан юм. Гэсэн ч иргэдийн амьдрал хүнд, ажилгүйдэл их байгааг Д.Зоригт сайд онцлоод цаашид энэхүү амин чухал асуудлуудыг шийдвэрлэхийн төлөө хичээн ажиллахаа ч хэлж байлаа.

Өнгөрсөн дөрвөн жилд АН бүр олонхи болж чадаагүйгээс засаг барьж, шийдвэр гаргахад саад тотгор ихтэй байлаа. Мөн эдийн засгийн байдал тааламжгүй байгаа хүндхэн үед АН засаг барьсан ч зовлон тоочиж зүгээр суугаагүй, болохгүйгээс болохыг нь хүртэл хичээж, зүтгэсэн тухайгаа Д.Зоригт сайд иргэдэд тайлбарлаж байсан. Мөн намын мөрийн хөтөлбөрийнхөө талаар ярихад иргэд “Сайн хашаа” болон “Сайн оюутан” хөтөлбөрүүдийг ихэд таашаан алга ташин хүлээн авч байсныг онцлох хэрэгтэй. Хэрэв АН үргэлжлүүлэн засаг баривал ганц Дарь эх гэлтгүй гэр хорооллын айлууд хашаандаа дэд бүтэцтэй, гудамж нь гэрэлтэй, засмалтай, ёстой л дур дураараа, амгалан тайван амьдарцгаах аж. Д.Зоригт сайдын хэлснээр хүн болгон олон давхар орон сууцанд амьдрах албагүй, хувийн эдлэн газартаа халуун хүйтэн устай, төвийн халаалтад холбогдсон, цэвэр бохирын асуудлаа шийдүүлээд сайхан амьдрах боломж бүрдэх юм. Ингэснээр хөрсний бохирдол, агаарын бохирдол бүгд үгүй болж, цэвэр сайхан нийслэл хот өдрөөс өдөрт өнгөө засах билээ. Гэр хорооллын иргэд маань “Сайн хашаа”-нд хамрагдвал 15 сая төгрөгийн зээл авч, дэд бүтэцтэй болоод зогсохгүй зээлийн талыг улс барагдуулж, үлдсэнийг нь зээл авснаас хойш гурав дахь жилээс сард 100 мянган төгрөгийн эргэн төлөлттэйгээр барагдулах юм шүү дээ. Ийм сайхан саналаас хэн татгалзах билээ. 2012 оны сонгуульд Э.Бат-Үүл тэргүүтэн нийслэлийг ийм, тийм болгоно гэхэд хэн ч итгэхгүй байлаа, харин өнөөдөр АН-ынханд итгэхгүй хүн үгүй биз.

Энэ ч утгаараа Дарь эхдээ сайхан амьдрах санал тавьж буй Ардчилсан намынхнаа 100 хувь дэмжиж, их бүтээн байгуулалтыг үргэлжлүүлэн хийх боломжийг бий болгоно гэдгээ иргэд ил тод хэлж байна лээ.

Тэгэхээр инженер хүн 49 дүгээр тойрогт нэр дэвшиж байгаад баянзүрхчүүд ихэд олзуурхаж байгаа аж. Инженер төрийн түшээтэй болчихвол энэ дүүрэг хөгжилд хүрэх нь туйлын үнэн биз ээ.

Нэр дэвшигч Дашзэвэгийн ЗОРИГТ-ийн

Сонгуулийн штаб