УИХ-ын 74-р тойрогт Ардчилсан намаас нэр дэвшиж байгаа Б.Ургамалцэцэг сонгуулийн сурталчилгааныхаа үеэр ардчиллын анхны дэмжигчдийн н.Лувсансамбуу гуайнд зочиллоо.

Сонгинохайрхан дүүргийн 25-р хороонд оршин суудаг Лувсансамбуу гуай ардчиллын үр шимийг амьдрал дээрээ жишээлэн ярих дуртай. Тэрбээр идэр залуу насандаа социализмын их бүтээн байгуулалтад оролцож хот босголцож явсан ч хуримтлалгүй, хувийн өмчгүй тэтгэвэртээ гарсан нэгэн. Харин өнөөдөр үр хүүхдүүд нь өмч хөрөнгөтэй, эрхлэх бизнестэй, өндөр мэдлэг боловсролтой явааг тэрбээр ардчиллаар олгогдсон эрх чөлөөтэйгээ холбон тайлбарлаж байна.

Дэмждэг намаас нь боловсрол мэдлэгтэй, санаачилж хэрэгжүүлсэн ажил арвинтай, үзэл бодолдоо тууштай, төрийн ажлын олон жилийн туршлагатай, өр зөөлөн сэтгэлтэй эмэгтэй хүн тойрогт нь нэр дэвшиж байгаад ахмад настан Лувсансамбуу гуай сэтгэл хангалуун байгаагаа илэрхийлж, нэр дэвшигч Б.Ургамалцэцэгт амжилт хүслээ.

Эх сурвалж: Нэр дэвшигч Б.Ургамалцэцэгийн Сонгуулийн штаб