Өнгөрсөн шөнө нэр дэвшигч Б.Ургамалцэцэгийн сурталчилгааны 20 шахам самбарыг урж сийчсэн хэрэг гарчээ.

Сонгуулийн тухай хуулийн 70 дугаар зүйлийн 10 дахь хэсэгт “Сонгуулийн сурталчилгааны зурагт болон ухуулах хуудас, сурталчилгааны самбарыг гэмтээх, бохирдуулах, санаатайгаар устгахыг хориглоно” гэж заасан байдаг.

Энэ тухай нэр дэвшигч Б.Ургамалцэцэг өөрийн фэйсбүүк хуудсандаа “Ард иргэддээ бодлого хөтөлбөрөө танилцуулахад хүч оюунаа дайчлахын оронд өрсөлдөгчөө xорлох ийм увайгүй арга хэрэглэж байгаад харамсаж байна. Тууштай үзэл бодлоороо, хийсэн ажлын үр дүнгээрээ, цаашид хэрэгжүүлэх бодлого хөтөлбөрөөрөө өрсөлдье. Хуулиа дээдэлж, төрөө хүндэтгэж сонгуульдаа шударга өрсөлдөхийг өрсөлдөгчиддөө уриалъя!” гэжээ.

Эх сурвалж: Нэр дэвшигч Б.Ургамалцэцэгийн Сонгуулийн штаб