Увс аймгийн АН-ын сонгуулийн сурталчилгааны нээлт энэ сарын 12-ны өдөр боллоо. Сонгуулийн сурталчилгааг Увс аймгийн АН-ын дарга О.Цогтгэрэл, нэр дэвшигч С.Отгонбаяр, Увс аймгийн засаг дарга Д.Цэндсүрэн, УИХ-ын гишүүн Н.Алтанхуяг нар нээж үг хэллээ. Энэ  үеэр иргэд Шинэчлэлийн засгийн газраас санаачилсан төсөл хөтөлбөрүүд Увс аймагт үр өгөөжөө өгснийг тодотгосон юм. Тухайлбал, Увс аймгийн төвд хэрэгжсэн "Гудамж төсөл", авто зам, цахилгаан станц зэрэг олон ажил хийгдсэнийг дурдаад  нутгаасаа төрсөн гурав дахь Ерөнхий сайдыг төрсөн нутагтаа нэр дэвшиж байгаад бэлэгшээж буйгаа илэрхийлсэн юм. Үүний дараа УИХ-ын гишүүн Н.Алтанхуяг өөрийн төрөлх сум Малчин сумыг зорьсон. Түүнийг Малчин сумын 400 гаруй иргэн, бусад албаны хүмүүс халуун дотноор хүлээн авлаа.  Уулзалтын үеэр тус сумын иргэд өнгөрсөн жилүүдэд Улаанбаатар хотоос Увс аймаг хүртэлх хатуу хучилттай засмал зам болон бусад хийгдсэн ажлууд нутгийн иргэдэд ач тусаа өгснийг дурдаад УИХ-ын гишүүн Н.Алтанхуягт баярласнаа илэрхийлсэн юм. 

Уулзалтыг хааж УИХ-ын гишүүн Н.Алтанхуяг үг хэлж иргэдийн асуусан асуултад хариулсан. Малчин сумын иргэд Ерөнхий сайд асан Н.Алтанхуягийг төрсөн нутагтаа нэр дэвшиж байгаад талархсан сэтгэлээ илэрхийлж Улсдаа болон Увс аймагтаа хийсэн бүтээн байгуулалтын ажлаа үргэлжлүүлж хийх хүсэлтийг уламжиллаа.

Эх сурвалж: Нэр дэвшигч Н.Алтанхуягийн сонгуулийн штаб