Гадаадын 240 ажиглагч сонгуулийг ажиглах эрх авчээ

2016-6-16

Монгол Улсын Их Хурлын 2016 оны сонгууль олон улсад багагүй анхаарал татаж байгаа бололтой.

Өнөөдрийн байдлаар ХБНГУ-ын Конрад Аденауэрын сан, АНУ-ын Бүгд найрамдахчуудын олон улсын хүрээлэн, Азийн чөлөөт сонгуулийн сүлжээ зэрэг олон улсын байгууллагын 240 гаруй сонгуулийн ажиглагч Монгол Улсын Сонгуулийн ерөнхий хорооноос ажиглагчийн эрх аваад буй аж.

Түүний дотор сонгуулийн асуудлаар мэргэшсэн дэлхийн томоохон байгууллагын нэг болох Европын аюулгүй байдал, хамтын ажиллагааны байгууллагын ажиглагчдын баг 20 гаруй орны 180 гаруй ажиглагчаас бүрдэж байна.

Энэ багийн бүрэлдэхүүнд орсон АНУ, Австри, ХБНГУ, Итали, Исланди, Канад, ОХУ, БНСУ, Румын, Финланд, Франц зэрэг улсын ажиглагчид сонгуулийн бэлтгэл ажлаас эхлээд сонгуулийн бүх үе шатыг түүнчлэн сонгуулийн өдрийн үйл ажиллагааг урт болон богино хугацаагаар тус тус ажиглах ажээ.

Ийнхүү олон улсын ажиглагчид Монгол Улсын Их Хурлын 2016 оны сонгуулийн явцыг өргөн хүрээнд ажиглаж улмаар хөндлөнгийн дүгнэлт гаргах юм гэж СЕХ-ны хэвлэл, мэдээллийн төлөөлөгч мэдээлэв.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

zzz (89.217.200.133)

Uls ornuudiig busniulagch baruuniihan, bas ochij ochij evropiin hamgiin yaduu oron Rumin hyrtel Mongoliig hyanaj baigaa um bizdee,,, Mongolch archaagaa aldaj bainaa, Zugeer saihan songuulia yavuulchij chadahgui , doroi ulsuud l busdaar hyanuulj baigaa um, Shudarga songuuli hiideg, esvel Eh ornoo hyndeldeg ulsuud ingej tenegtehgui shdee,,,, Hamag ulsiin nuuz er ni ene baidlaar aldagdaj baidag,,,, Archaagui baina, Mongoliin tor !!!!!

2016 оны 06 сарын 16 | Хариулах
zochin (202.179.23.60)

gadaadiin ajiglagchid sain ajillaasai bilee mongolchuudiin hubi zauag shiidehed sain sudalj baigaad bauartai baina toriin deer sandailsan luibarchidiig ogt gargahgui shu mongolchuudaa demjeerei deerees obgod burhaduud harj baigaa bilee.

2016 оны 06 сарын 16 | Хариулах