УИХ ын гишүүн Н.Алтанхуяг энэ сарын 13, 14-ны өдөр Увс аймгийн Ховд сум, тус сумын Халиун булаг, Ачит багын  иргэдтэй уулзалт хийлээ. Ховд сум нь Улаанбаатар хотоос 1600 гаруй км зайтай,  дөрвөн баг, 600 гаруй өрх, 2300 иргэдтэй тус аймгийн баруун хойд хязгаарын сум юм. Уулзалтыг УИХ-ын гишүүн, нэр дэвшигч, Н.Алтанхуяг, тус сумын засаг дарга П.Батбэх,  ИТХ-ын хуралд нэр дэвшигч Д.Хүрэлбаатар, Улаанбаатар хот дахь Ховд сумын нутгийн зөвлөлийн дарга Д.Баасандорж, ИТХ-ын дарга Ш.Даваасамбуу нар нээж үг хэллээ.

Уулзалтын үеэр тус сумын иргэд "УИХ-ын гишүүн Н.Алтанхуягийн санаачилан хэрэгжүүлж буй гүүр барих ажил эхэлсэнд үнэхээр их талархаж байна. Манай сумын Шиврээ голын битон гүүрний ажил эхлээд явж байна. Уг гүүрийг өмнө нь 400 сая төгрөгийн өртөг бүхий модоор барьж байсан. Гэхдээ модон гүүрний насжилт богино байсан учир эвдэрсэн. Гүүр эвдэрсэн нь малчин бидэнд үнэхээр хүндрэлтэй юм. Харин энэ удаа битон гүүр тавих гэж байгаад маш их талархаж байна. Мөн орон нутгийн хөгжлийн сангаас санаачилсан төсөл хөтөлбөрүүд амжилттай хэрэгжиж сумын иргэдэд санхүүгийн эрх мэдлийг  өгч байгаа. Энэ мөнгөөр тулгамдсан асуудлаа өөрсдөө шийддэг болсон" гэж ярилаа.

 Дараа нь УИХ-ын гишүүн Н.Алтанхуяг Ховд сумын Халиун булаг багын иргэд, малчидтай уулзалт хийлээ. Энэ үеэр УИХ-ын гишүүн Н.Алтанхуяг "Өдий зэрэгтэй яваа нь төрсөн нутгийн минь ард иргэдийн хөдөлмөрч, хичээнгүй, арвич хямгач зантай холбоотой гэдгийг онцлоод ажил хийгээгүй хүн ард, иргэдтэйгээ дахин уулзахад хэцүү байдаг. Харин хийсэн хүнд ярих зүйл нь их байдаг юм байна" гэсэн юм.

Ховд сумын эмнэлэгт сүүлийн 33 жил засвар хийгдээгүй байна. Харин өнгөрсөн жил тус эмнэлгийн барилгыг засч янзалсанд нутгийн иргэд талархаж буйгаа энэ үеэр илэрхийллээ. Мөн багуудад худаг ухах, мал угаах банн зэрэг баригдсан байна. Нутгийн удирдлагууд "Эрүүл Монгол хүн" хөтөлбөрийн хүрээнд иргэдийг архинаас гаргах ажлыг амжилттай зохион байгуулж чадсан гэдгийг тус нутгийн иргэд уулзалтын үеэр онцолж  байлаа.  Цаашилбал, сумын төвийн нэгдсэн халаалт, өвсний нөөц бүрдүүлэх хөтөлбөрүүд амжилттай хэрэгжсэн зэргийг тодотгож байлаа.

Эх сурвалж: Нэр дэвшигч Н.Алтанхуягийн сонгуулийн штаб