7.5 их наяд төгрөгийг чөлөөлжээ

2016-6-17

УИХ-аас Эдийн засгийн ил тод байдлын тухай хуулийг өнгөрсөн оны наймдугаар сарын 7-ны өдөр баталж, хууль батлагдсан өдрөөс дагаж мөрдсөнөөр 2015 оны арванхоёрдугаар сарын 31-нээр хуулийн хэрэгжих хугацаа дуусгавар болохоор хуульчилсан. Харин уг хуулийн хамрах хүрээг нэмэгдүүлэх үүднээс хуулийн хэрэгжих хугацааг хоёр сараар сунгаж, өнгөрсөн хоёрдугаар сарын 20-н хүртэл сунгасан. Хуулийн хэрэгжих хугацаа дуусахад Сангийн яам болон Гааль, татварын ерөнхий газраас урьдчилсан байдлаар нийт 34.7 их наяд төгрөгийн хөрөнгө орлого ил болсон. Хуулийн хүрээнд 33.8 их наяд төгрөгийн хөрөнгө орлого ил болж, 7.5 их наяд төгрөгийн татвар болон 2.4 их наяд төгрөгийн торгууль, алдангиас чөлөөлсөн байна. Ил болсон хөрөнгө орлого нь Монгол Улсын ДНБ-ий 1.8 дахин, улсын нэгдсэн төсвийг дөрөв дахин нэмэгдүүлсэнтэй тэнцэх хөрөнгө юм. Өөрөөр хэлбэл, дөрвөн жилийн төсвийн орлоготой тэнцэх хэмжээний хөрөнгө орлого ил болсон. Сангийн яаманд нийт 27665 аж ахуйн нэгж байгууллага хуульд хамрагдахаар хүсэлт илгээснээс 21275 тайланг баталгаажуулсан байна. Эдийн засгийн ил тод байдлын тухай хууль хэрэгжсэнээр хувь хүн, компаниуд хөрөнгө орлогоо ил болгож, бүртгүүлэх, мэдүүлэх, тайлагнах боломж бүрдсэн юм.

Эх сурвалж: Ардчилсан намын сонгуулийн штаб

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (12)

онон (45.63.6.22)

өчнөөн зээл аваад л чанаргүй зээлийн хэмжээг өсгөж байгаа ч улс орны бүтээн байгуулалт гэж алга ард түмнийг л татвараар дарамтална уу гэхээс эрх мэдэлтэн албан тушаалтангуудад энэ хууль ер үйлчилдэггүйн тод жишээ Каплад уучлалт үзүүлсэн явдал

2016 оны 06 сарын 17 | Хариулах
амар (45.63.6.22)

татвараас бултаж орлогоо нуун дарагдуулах нь хуулиар заасан хориротой байхад улсад онц их хэмжээний хохирол учруулсан Каплаг өршөөгөөд явуулж байгаа нь Монгол улсын хууль дүрэм гэж ямар арчаагүй болохыг олон улсад харуулаад авсан үйлдэл боллоо

2016 оны 06 сарын 17 | Хариулах
Зочин (203.169.50.165)

Нэг удаа өршөөнө гээд балайрах юм. Угаасаа ил байх ёстой байсан юмыг өршөөж яана вэ. Сангийн яам, Гааль татварын газрыхан өөрсдийхөө талд хууль батлахаа болиоч. Цэвэр луйвар гэж л харагдаж байна.

2016 оны 06 сарын 17 | Хариулах
Ганаа (203.169.50.165)

Хууль баталдаг хүмүүс нь өөрсдийнөө эрх ,ашиг сонирхолд нийцүүлээд л хуулиа баталчихдаг том жишээ энэ шүү дээ.Одоо УИХ байгаа гишүүдээс компани байхгүй ,хувьцаа эзэмшдэггүй ганц ч хүн байхгүй.Хэнд зориулж ийм хууль баталсан нь ойлгомжтой шүү дээ.

2016 оны 06 сарын 17 | Хариулах
Азаа (203.169.50.165)

Татвараас зайлс хийсэн хүмүүсийнхээ толгойг илээд байж байдаг төр засаг байх хэрэгтэй юм уу.Гэтэл хэдэн их наядаар нь мөнгө идчихээд байгаа гаруудыг л дэмжээд харин татвараа ганц өдөр оройтуулсан жижиг аж ахуй нэгжүүд дээр алданги торгууль тавьж байгаа нь шударга хэрэг үү.

2016 оны 06 сарын 17 | Хариулах
Билэг (203.169.50.165)

МАНАН өөрсөддөө зориулж л ийм хууль баталж нууж дарсан хөрөнгөө ил болгоод сонгуулийн сурталчилгаандаа ашиглаж байгаа биз.33.8 Их Наяд төгрөг гэдэг чинь юу ч гэсэн үг юм байгаан.Одоо 10 орчим Их Наядыг зүгээр л бэлэглэчих гэж.Энэ мөнгөө төсөвтөө оруулаад ирсэн бол Чингис ,Самурай бонд тэр хөгждөггүй Хөгжлийн банкны зээлийг авах ямар ч шаардлагагүй болох байлаа.

2016 оны 06 сарын 17 | Хариулах
саруул (203.169.50.165)

өчнөөн мөнгө ил боллоо гээд хариуцлага тооцож чадахгүй бол хууль баталсаний хэрэг байна уу хэрэгжүүлж үр дүнг нь харах хэрэгтэй шүү дээ

2016 оны 06 сарын 17 | Хариулах
Жаргал (203.169.50.165)

Ийм хууль бус мөнгөө нуусан аж ахуй нэгжүүдийг бүх татвараас чөлөөлж байгаа юм бол цаг тухайд нь төлж байсан байгууллагууддаа татварын хөнгөлөлт урамшуулал эдлүүлэх хэргэгтэй байсан.Нийгэмдээ ,улсдаа шударгаар амьдарч байгаа нэгнээ дарамталж байдаг хэрнээ хуулийнхаа дагуу явж байгаа хүмүүсээ дарамталдаг гажиг тогтолцоог МАНАН л бий болгосон.

2016 оны 06 сарын 17 | Хариулах
Баяр (203.169.50.165)

Албан байгууллга, аж ахуй нэгж ,хувь хүн бүгд татвар төлөх ёстой.Гэвч татвар ,алданги,торгуулиас зайлж бултан хэдэн 10н ИХ НАЯДААР тоологдох хөрөнгө нуусныг нь өршөөж байгаа нь буруу.Улсдаа хугацаандаа бүх төрлийн татвараа шударгаар төлөөд явж байсан аж ахуй нэгжүүдийн хохирч байгаа мэт дүр зураг харагдаж байна.

2016 оны 06 сарын 17 | Хариулах
Раш (203.169.50.165)

Хөрөнгө орлогоо нуусан байсан аж ахуйн нэгж, компаниудын ихэнхи нь өөрсдийх нь гэр бүл, хамаатнуудын компани байсан тэгээд л, чөлөөлж байгаа даа. Овоо муу луйварчид юмаа. 7,5 их наяд гэдэг тийм амар олдох мөнгө үү, ард түмний татвар л байгаа буцаагаад төсөвт төвлөрүүлэх ёстой байсан юм

2016 оны 06 сарын 17 | Хариулах
Зочин (112.72.11.105)

yadarsan hvnd baidald orson aj ahuin negjvvdiig yahaaraa tatvaraa tul geed oroh oron oochih aygiigni huraana geed dairaad baidag yum.

2016 оны 06 сарын 17 | Хариулах
Зочин (112.72.11.105)

ulaan tcagaandaa garsan luivarchid .

2016 оны 06 сарын 17 | Хариулах
Сүмбээ (203.169.50.165)

Хувь хүн, компаниуд хөрөнгө орлогоо ил болгож, бүртгүүлэх, мэдүүлэх, тайлагнах боломж бүрдсэн гээд байх юм. Боломж нь бүрдлээ гээд ямар нэг арга хэмжээ, хариуцлага тооцох механизм байхгүй бол энийг ямар Ил тод байдлын тухай хууль гэх юм бэ.

2016 оны 06 сарын 17 | Хариулах