Иргэний нисэхийн ерөнхий газрын даргын үүргийг түр орлон гүйцэтгэгчээр ажиллаж байгаад 2015 оны дөрөвдүгээр сарын 13-нд чөлөөлөгдсөн Т.Лхагвасүрэнг ажилд нь буцаан томилох эцсийн шийдвэрийг Улсын дээд шүүх гаргалаа. ЗГХЭГ-аас Төрийн албаны зөвлөлд сонгон шалгаруулалт захиалсны дагуу ИНЕГ-ын даргын албан тушаалд томилогдох удирдах ажилтны сонгон шалгаруулалтад Т.Лхагвасүрэн орж, оролцсон хүмүүсээс хамгийн өндөр оноо авсан аж. Улмаар ТАЗ-өөс түүнийг ИНЕГ-ын даргаар томилуулахаар нэрийг нь хүргүүлсэн ч даргын үүрэг гүйцэтгэгч гэсэн албан тушаалаас нь үндэслэлгүйгээр чөлөөлсөн байна. Засгийн газар “Бүтэц" орон тооны өөрчлөлтөөс болоод ажлаас чөлөөлсөн” хэмээн шүүхэд тайлбар гарга- сан ч ИНЕГ-ын удирдлагын бүтцэд Т.Лхагвасүрэнгийн түр орлон ажиллаж байсан даргын ажил, албан тушаал, орон тоо хэвээр батлагджээ. Тйймээс Засгийн газрын 2015 оны 138 дугаар тогтоолыг шүүх хүчингүй болгож, түүний эрхэлж байсан ИНЕГ-ын даргын үүргийг түр орлон гүйцэтгэгчийн ажилд эгүүлэн томилж, ажилгүй байсан хугацааны олговор 25 сая гаруй төгрөгийг олгох, нийгмийн болон эрүүл мэндийн даатгалын дэвтэрт даатгалыг нь бичиж өгөхөөр болжээ.