- Д.Зоригтын иргэдтэй хийх уулзалт үргэлжилж байна-

Баянзүрх дүүрэгт УИХ-ын сонгуульд нэр дэвшигч Д.Зоригт, НИТХ-д нэр дэвшигч Т.Батцогт нарын сонгогчидтойгоо хийх уулзалтууд ар араасаа үргэлжилж байна.

Уулзалт Баянзүрх дүүргийн 27-р хорооны нутаг дэвсгэр дээр боллоо. Баянзүрх дүүргийн 27-р хорооны нутаг дэвсгэрт Дарь эхчүүдийн бахархал болоод буй Дарь эхийн цогцолбор байрладаг.

УИХ-ын гишүүн, Эрчим хүчний сайд Д.Зоригт АН-ын мөрийн хөтөлбөрт тусгагдсан хөтөлбөрүүдээсээ иргэдэд танилцуулга хийсэн юм. Иргэд “Сайн хашаа”, “Сайн оюутан” хөтөлбөрүүдийг хэрхэн яаж хэрэгжиж буйг ихэд сонирхон асууж байсан юм.

 

Гэр хорооллын айлууд Төрийн банкаар дамжуулан 60 хүртэл сарын хугацаатай, жилийн хүү 5 хувийн хүүтэй 15 сая төгрөг авах боломжтой бөгөөд эхний хоёр жилийн үндсэн төлбөрөөс чөлөөлнө.

Зээлдэгч зээлийн үндсэн төлбөрийнхөө 50 хувийг, нийт зээлийн хүүгийн хамт бүрэн хариуцна. Үлдсэн 50 хувийг улсаас хариуцах тухай яригдаж байгаа. “Сайн хашаа” хөтөлбөрийг хэрэгжүүлснээр зорилтот бүлэг, хэсгийн өрх айлууд бие даасан инженерийн дэд бүтэцтэй болж, амьдрах нөхцөл сайжрахаас гадна орчны бохирдлыг бууруулах ач холбогдолтой хэмээн үзэж байгаа юм.

“Сайн оюутан” хөтөлбөр нь оюутан өөрөө сургалтынхаа төлбөрийг төлж, ээж аавынхаа ачаанаас үүрэлцэх боломжтой болж байгаа юм.

Энэхүү хөтөлбөр нь дээд боловсролын сургалтын төлбөрт зориулан авсан иргэдийн цалин, тэтгэврийн зээлийг “Сайн оюутан” хөтөлбөрийн зээлд шилжүүлэх, мөн урт хугацааны зээлд дотоодын магадлан итгэмжлэгдсэн их, дээд сургуулийн бакалаврын, үндсэн ангийн оюутныг хамруулах гэсэн хоёр төрлөөр олгогдоно.

Нэгдүгээр дамжааны оюутнуудад элсэлтийн ерөнхий шалгалтын дүн 650-аас дээш байх, хоёр болон түүнээс дээш дамжааны оюутнууд 3,5-аас дээш голч дүнтэй байх зэрэг шаардлага тавигдана.

Зээл нь жилийн хүү нь 5 хувь, барьцаагүй байх бөгөөд оюутан сургууль төгссөнөөс хойш 4 жил хүртлэх хугацаанд эргэн төлөх зэрэг заалтууд тусгагджээ. Энэ нь сайн сурч буй оюутнуудыг дэмжиж, сургалтын төлбөрөө өөрсдөө төлөх боломжийг бий болгож байгаа юм

Эх сурвалж: НЭР ДЭВШИГЧ Д.ЗОРИГТЫН СОНГУУЛИЙН ШТАБ