Энэ удаагийн сонгуульд чамгүй олон эмэгтэй нэр дэвшигчид хүчээ сорьж байгаа гэдгийг та бид мэднэ. Тэдний дундаас Монгол улсын их  хурлын 29-р тойрогт Ардчилсан намаас нэр дэвшигч бүсгүй Т.Энхсайхан өөрийн өрсөлдөгч болох Дархан аварга А.Сүхбатад хэвлэл мэдээллийн хэрэгслээр дамжуулан "хайр" зарлаад байгаа.

Тэгтэл саяхан болсон А.Сүхбат аваргын Аргалант сумын иргэдтэй хийсэн уулзалтын үеэр хоёр өрсөлдөгч олны нүдэн дээр тэврэлдэж ихэд дотно харагдсан нь Аргалантынхныг шоконд оруулав. Түүгээр зогсоогүй Солонгос кинонд гардаг шиг Дархан аварга А.Сүхбат барьц алдаж Т.Энхсайханы араас гүйн гарч үдэж өгсөн гэнэ.

Үүнийг нүдээр харсан хүмүүсийн дунд хоёр өрсөлдөгчийг хоорондоо учиртайгаар барахгүй цуг амьдардаг байж магадгүй гэх шуум дэгдээд байгаа аж. Сонирхуулахад Дархан аварга А.Сүхбат, Т.Энхсайхан нар нэг байранд амьдардаг юм билээ.