УИХ-ын гишүүн, Ерөнхий сайд асан Н.Алтанхуяг төрсөн нутаг Увс аймагтаа нэр дэвшиж байна. Тэрбээр сонгуулийн сурталчилгааны хугацаанд тус аймгийн Малчин, Ховд, Завхан, Хяргас, Наранбулаг зэрэг суманд ажиллалаа.  Түүнийг Увс нутгийнхан халуун дотноор хүлээн авч дэмжихээ илэрхийлж байна. УИХ-ын гишүүн, нэр дэвшигч Н.Алтанхуягийг Хяргас сумын нутагт иргэдтэй уулзалт хийх үеэр нь УИХ-ын гишүүн, МУГТ Кёкүшюзан Д.Батбаяр гэргий МУГЖ, дуучин Т.Баясгалангийн хамт ирж дэмжсэн байна.

Мөн Наранбулаг сумын иргэдтэй уулзаж байх үеэр Монгол улсын аварга О.Балжинням гуай хүрэлцэн ирж Н.Алтанхуягийг дэмжихийг уриалжээ.

Харин өнөөдөр УИХ-ын гишүүн Н.Алтанхуяг Увс нутгаас төрсөн хоёр дахь Ерөнхий сайд Жамбын Батмөнхийн хөшөөнд хүндэтгэл үзүүлж цэцэг өргөжээ. Тэрбээр энэ талаараа "Монголчууд бид, Ардчиллынхан бид Ж.Батмөнх гуайд талархаж явах учиртай юм аа" хэмээн бичжээ.

Т.Энхэлээ