Өнөөдөр Монголын үүрэн холбооны салбарт нэгэн томоохон үйл явдал болж байна. Энэ юу вэ? гэвэл Скайтел группын дараа төлбөрт Business Class үйлчилгээний 10 жилийн ой болж байгаа юм. Скайтел компани нь 2002 оны 7-р сарын 1-нд Монголд анх удаа ухаалаг бизнес эрхлэгчдийн нэрийн хуудас болсон 9191 дугаарлалт бүхий Бизнес класс үйлчилгээг нэвтрүүлсэн нь үүрэн холбооны оператор компаниуд дундаас ярианы төлбөр нь шатлан буурах тооцооллын шинэлэг систем бүхий шилдэг  үйлчилгээ болж чадсан юм.

   Бизнес класс үйлчилгээ нь 9191, 9190, 9192, 9696 дугаарлалтуудыг хэрэглэгчиддээ хүргэсээр өдгөө 10 жилийн ойтой золгож ойн баярынхаа хүрээнд  Скайтел групп нь Үндэсний хэмжээнд 3G сүлжээг  анх удаа Монгол улсын өнцөг булан бүрт, орон даяар нэвтрүүлсэн томоохон амжилтыг гаргалаа. Мөн энэхүү амжилтаа бататган Монголд анх удаа эх хэл дээрээ таблет ашиглах сайхан боломжийг нээн өгч байна. Смарт-таб буюу уйдахгүй, төөрөхгүй, ганцаардахгүй байх боломжийг олгох энэ технологи хэрэглэгчийн  гар дээр өнөөдрөөс эхлэн хүрч байна.

   Уг бүтээгдэхүүний гол давуу тал нь Дэлхий дээр iOS, MS, Android гээд томоохон гурван үйлдлийн систем байдаг бөгөөд  энэ том гурван системийн нэг болох Андройд үйлдлийн системийг албан ёсоор Монголд анх удаа СКАЙТЕЛ групп өөрийн эх хэлнээ орчуулж та бүхэнд хүргэж байна. Ийнхүү монгол хэлнээ орчуулж Монголын beta хувилбарыг хүргэж байгаа нь хүн бүр дэлхийг байлдан дагуулж буй дэвшилтэт технологийг мөр зэрэгцэн хэрэглэх боломжийг бий болгож байгаагаараа  онцлог.