Санал хураалт болоход богино хугацаа үлдсэн энэ үед зарим улс төрчид сонгуульд ялахын тулд чаддаг бүх аргаа хэрэглэж байна. Тухайлбал, өөрсдийн өрсөлдөж буй тойрогт сонгогчдыг маш олноор нь энд, тэндээс шилжүүлэн авчирч байгаа нь баримтаар нотлогдоод эхэллээ. Архангай аймагт л гэхэд нийт 1341 иргэн шилжин ирсэн байна. Шилжин ирсэн иргэд бүгд өөр, өөр сумдад хуваагдан санал өгөх аж. Энэхүү ажлыг МАН-аас Архангай аймагт нэр дэвшигч Ж.Мөнхбат зохион байгуулсан сурагтай. Тэрбээр Архангайд МАН-ыг ялуулахын тулд иргэдийг олноор нь шилжүүлэн авчрах ажлыг зохион байгуулсан гэх мэдээлэл байгаа юм. Мэдээж түүний шилжүүлсэн иргэд өөрийнх нь намд санал өгөх болзолтой.

Сонгуулиар иргэдийг олноор нь шилжүүлэх энэхүү үзэгдлийг "царцааны нүүдэл" хэмээн сүүлийн үед нэрлээд байна.