Төрийн 18 ажилтан Япон улсад мэргэжил дээшлүүлэхээр боллоо. Монгол Япон улсын хооронд дипломат харилцаа тогоосны 40 жилийн ой тохиож буй хүрээнд “Хүний нөөцийг хөгжүүлэх тэтгэлэгт бичиг”-т Монгол, Япон хоёр улс гарын үсэг зурснаар 18 ажилтан Японд суралцахаар болжээ. Гарын үсэг зураг ажиллагаа өчигдөр болсон бөгөөд Монгол Улсад суугаа Онц бөгөөд Бүрэн эрхт элчин сайд Шизүма Такенорич, Гадаад хэргийн сайд Г.Занданшатар нар оролцсон юм. Энэхүү хөтөлбөрийг Япон улсын Засгийн газар зах зээлийн эдийн засгийн шилжилтийн үед байгаа хөгжиж буй улс орнуудын хүний нөөцийн хөгжлийг дэмжих зорилгоор 1999 оноос хэрэгжүүлж эхэлжээ. Манай улсад 2001 оноос эхлэн өнөөг хүртэл нийт 11 удаагийн төсөл хэрэгжээд байгаа аж. 2001-2011 оны хооронд манай улсаас нийт 191 оюутан арлын Японд суралцаж, 154 оюутан магистрын зэргээ хамгаалсан байна. Энэ удаа Япон улсын засгийн газраас 217 сая иений дүн бүхий хөтөлбөрт 18 төрийн албан хаагчийн эхний 15 нь наймдугаар сард, гурван хүн нь ирэх оны нэгдүгээр сард Япон улс руу явах аж. Эдгээр төрийн албан хаагчыг тодорхой төрийн захиргааны байгууллага хариуцаж, зохицуулахаар болжээ.Б.Золбоо
