Улаанбаатар хотноо АSЕМ-ын дагалдах хурлуудын нэг болох Ази европын хүнсний аюулгүй байдлын зөвлөлдөх уулзалт болж байна. Хүнсний үйлдвэрлэл, хүнсний бүтээгдэхүүний аюулгүй байдал, хоол тэжээл гэсэн гурван үндсэн сэдвийн хүрээнд өрнөж байгаа энэхүү зөвлөлдөх уулзалтын үеэр Монголын хөдөлмөрийн аюулгүй ажиллагаа, эрүүл ахуй, байгаль орчны нийгэмлэгээс санаачлан гаргасан “АSЕМ tag” наалтыг уулзалтад оролцогсдод танилцууллаа.

АСЕМ-ын зочид төлөөлөгчдөд баталгаагүй хүнсний түүхий эд, бүтээгдэхүүнээр үйлчлэхээс сэргийлэх зорилгоор үйлчилгээ үзүүлэх эрх авсан аж ахуйн нэгж, байгууллагын бараа, бүтээгдэхүүнд “ASEM tag” наалтыг хэрэглэх тухай Нийслэлийн Засаг даргын захирамж гарсан билээ. Уг  наалт нано технологид суурилсан, хүний биеийн ду­лаан, гэрлийн хувирлаар бүтээгдэхүүний чанарыг тодорхойлдгоороо онц­логтой аж.  Хүнсний бүтээгдэхүүн дээр тусгай наалт байрлуулснаар чанарын шаардлага хангасан эсэхийг хэрэглэгч болон бүтээгдэхүүн нийлүүлэгч аж ахуйн нэгж өөрсдөө богино хугацаанд шалгах бо­ломж­ бүрдэх юм.

Т.Энхэлээ