Нийслэлийн ИТХ-ын сонгуулийн СХД-ийн 16 дугаар тойрогт Ардчилсан намаас нэр дэвшигч Баатарын МӨНХГЭРЭЛ сонгуулийн сурталчилгааныхаа хугацаанд олон хүн цуглуулж, үзэл суртлын уулзалт хийхээс аль болох зайлсхийж,иргэдийн аж амьдрал дундах харилцааг чухалчилж байна.

Партизанд Саальчин Тунгалагийнд

Тахилтад 80 гаруй настай Даваасүрэнтэй уулзаж байгаа нь 

Тэрбээр өөрийн нэр дэвшиж буй тойрог болох СХД-ийн 21, 22, 32 дугаар хорооны айлуудад биечлэн очиж байгаа юм. Нэр дэвшигч Б.Мөнхгэрэл энэ талаараа хэлэхдээ “Сонгинохайрханчуудад ийм тийм асуудал байна гэж тоймлон амарчилж үзэхийг хүсэхгүй байна. Учир нь газар бүрт асуудлууд өөр өөр байдаг гэнэ. Тухайлбал, Тахилтынханд нэг өөр, Эмээлтийнхэнд бас өөр, Партизанынханд бүр өөр асуудлууд байх жишээтэй. Өөрөөр хэлбэл, Эмээлт, Хурган, Баруун туруунд эрчим хүчний хангалт муу, хүчдэлийн уналттай, гудамж, талбайн гэрэлтүүлэг, камержуулалт байхгүй. Гэтэл партизанд сүүний үнийн асуудал, сүү борлуулалт, малын бэлчээрийн асуудал тулгамдаж байна. Иймээс шийдэх асуудал өөр өөр байгаа учир жижиг гэлтгүй энэ бүгдийг мэдэж, судалж байж яаж өөрчлөхөө тодорхойлно. Үүний тулд л би залхуурахгүйгээр хашаанаас хашаанд, айлаас айлд очиж явна” гэлээ.

Ингэж иргэдийнхээ асуудал, бэрхшээлийг газар дээр нь үзэж, санал сэтгэгдлийг нь биечлэн сонсож байгаа түүний уулзалтууд энгийн, элэгсэг дотно, нэг гэр бүлийнхэн шиг халуун дулаан уур амьсгал дунд үргэлжилж байна.

Түүний нэр дэвшиж байгаа тойрогт 361-ийн гарам, Партизан, Нарийн үнээний ферм, Эмээлт, Мал бордоо, Хурган, Баруун туруун, Орбит, Тахилт зэрэг манай нийслэл хотын алслагдсан мал аж ахуй бүхий иргэдтэй мөн мал аж ахуйн түүхий эдийн зах зээл төвлөрсөн газрууд багтдагаараа онцлог юм.

Эх сурвалж: НИТХ-д нэр дэвшигч Б.Мөнхгэрэлийн сонгуулийн штаб