Дөчин нас. Түүний улс төрийн цаг дөнгөж л эхэлж байна.  Дөчин нас бол хүний амьдралын хамгийн чухал үе.  Тиймдээ ч монголчууд “Дөчин настай эр, дөрөө даасан ат” гэж ярьдаг шүү дээ. Ертөнцийн талыг, өөрийнгөө бүрэн таних 40 настангуудын улс төрийн цаг хэдийнэ иржээ. Тэдний нэг бол Хан-Уул дүүргийн Засаг дарга Ж.Ганхуяг.

Тэр баян айлын эрх бацаан байгаагүй. Тэр улс төрийн тооноор нь биш хаалгаар орж ирсэн. Тэр төрийн ажилд мэргэшсэн, олон нийттэй харилцахад туршлагажсан нэгэн. 

Хан-Уул дүүрэг бол Улаанбаатарын нүүр царай. Өөдлөх айл үүднээсээ гэгчээр, гадна дотноос ирсэн зочид заавал тус дүүргээр зорчин өнгөрч улсын минь нийслэлийн анхны сэтгэгдлийг авдаг. Хан-Уул дүүрэг өдрөөс өдөрт цэцэглэн хөгжсөөр нийслэлийнхэний хүсэмжит дүүрэг, амьдран суухад хамгийн таатай дүүргээр нэрлэгдэх болж. Дүүргийнхээ зовлон жаргал, асуудал бүхнийг хамгийн сайн мэддэг хүн бол Ж.Ганхуяг. Бусад шиг тойрог сольж, гэнэтхэн л дүүрэгтээ, нутагтаа хайртай болж гүйгээгүй. Тэр дүүргээ хөгжүүлэхийн төлөө сүүлийн найман жил багаа удирдан ажилласан хүн. Идэр залуу 32 настайгаасаа Засаг даргаар ажиллаж эхэлсэн тэрбээр эдийн засагч, банк санхүүгийн боловсролтой.

Ертөнцийн талыг, өөрийнгөө бүрэн таних 40 настангуудын улс төрийн цаг хэдийнэ иржээ. Тэдний нэг бол Хан-Уул дүүргийн Засаг дарга Ж.Ганхуяг.

Өөрөөр хэлбэл, мөнгийг босгох, мөнгийг хямгадах тал дээр Ж.Ганхуягийн мэргэжилтэй юу ч ярих билээ.  Хан-Уул дүүрэг сүүлийн 3 жилд хамгийн их хөрөнгө оруулалт татаж чадсан нь түүнийг хэр санхүүч вэ гэдгийн нэг нотолгоо болох биз.

2008 онд, тодруулбал, Ж.Ганхуягийг Засаг дарга болоход Хан-Уул дүүргийн төсөв 1.5 тэрбум байжээ. Харин өнөөдөр 13-14 дахин өсч, 20 тэрбумын төсөвтэй болсон. Үүний ачаар өнөөдрийн Хан-Уул хэрхэн хөгжиж байгаа нь хүмүүсийн нүдэнд илхэн.

Ж.Ганхуяг бол төрийн залуу менежерүүдийн нэг гэж хэлж болно.  Муу тал нь хэт шударга бас зарчимч. Сайн тал нь эхэлсэн ажлаа заавал дуусгаж байж санаа нь амардаг.

Ж.Ганхуягийг Хан-Уулаас, Хан-Уулыг Ж.Ганхуягаас ялгаж, салгах аргагүй.  Тэр дүүрэгтээ ч, улстөрд ч шинэ хүн биш.  Ардын намын үед нийслэлийн есөн дүүргээс тэр ганцаараа Ардчилсан намын Засаг дарга байж нүд үзүүрлэгдэн “шоовдорлогдсон” ч дүүргээ чирсээр хөгжүүлж явсан удаатай. Түүний дүүрэгтээ хийсэн ажлууд ч цөөнгүй.

Энхтайваны гүүрнээс Өлзийт, Биокомбинат, шувуун фабрик хүртэл энэ уудам дүүргийн зам бүр нь шинэчлэгдэж, хороо бүр нь гэрэлтүүлэгтэй, орчин нь цэвэр, хүүхдүүд нь сургууль, цэцэрлэгтэй гэх мэт түүгээр “овоглогдох” ажил олон. Мэдээж, сонгуулийн өмнө бүгдээрээ л “хийсэн ажилтай, хэлэг үгтэй” болчихсон нэр дэвшигчдийн дунд тэр жинхэнээсээ хийсэн ажилтай залуу.

Дөч хүрсэн эр хүн хал үзэж хашир суучихсан гэртээ хаан нь, ханьдаа нөмөр нь, төрдөө түшиг нь болж чаддаг. Тиймээ, тэр дөч хүрсэн. Ажил амьралынхаа туршлага, хуримтлуулсан мэдлэг боловсролоо төрдөө зориулах цаг болсон. Гэхдээ, түүний улс төрийн цаг дөнгөж л эхэлж байна. 

Т.Батсайхан