Баянзүрх дүүргийн 19-р хорооны 52-р сонгуулийн хэсгийн хорооны санал тоолох машин өнөөдөр өглөө гацжээ. Тус хэсгийн хороонд саналаа өгөхөөр өглөөний 06.30 цагт сонгогчид ирсэн байсан ч санал тоолох машин гацсан гэсэн шалтгаанаар санал хураалт явуулаагүй байна. Тэнд саналаа өгөхөөр очсон иргэдийн хэлж байгаагаар 08.30 цагийн үед иргэдийг удаан хүлээлгэсний эцэст сонгуулийн санал авч эхэлсэн байна.
   Мөн  Сонгинохайрхан дүүргийн XXI хорооны хэсгийн хорооны санал тоолох машин 08.30 цагийн орчимд гацжээ. Үүнийг ачааллас болж гацсан гэж хэсгийн хорооны ажилчид тайлбарласан байна.