"Сонгууль болдгоороо болно. Тав хүрэхгүй хоногийн дараа УИХ-ын  сонгууль дуусч нар манддагаараа мандана. Гэтэл сүүлийн үед зарим нь хэт намчирхах үүнээс болж нэг нутаг усныхан, ахан дүүс тэр ч бүү хэл айл гэрт хүртэл хоорондоо намын харьяаллаас болж муудалцах, бие биенээ үзэн ядах, тэр ч бүү хэл хэн нэгний явуулгаар бие биенийхээ нэр төрд халдах нь ихэсч байна. Иймд улстөрийн намууд, улстөрчид бие биенээ хүндэлж сонгуульд соёлтой оролцохыг уриалж байна. Нэг нутаг усныхан атлаа сонгуулийн маргааш нь бие биенийхээ нүүрийг харах аргагүй болтлоо улстөржиж байна. Иймд бусдыгаа дайрч доромжлох зэргээр ёс зүйгүй авирлаж байгаа нь утгагүй юм.

УИХ-ын сонгуульд хэн нь ч ялж, хэн ч ялагдсан бай бид нэг нутаг усны ахан дүүс. Иймээс сонгуулийн маргааш амьдрал үргэлжилнэ гэдгийг санаж сонгуульдаа СОЁЛТОЙ оролцоё гэсэн" уриалгыг УИХ-ын сонгуулийн  3  дугаар тойрогт нэр  дэвшигч,  МАН-ын Ерөнхий нарийн бичгийн  дарга Ж.Мөнхбат Архангай аймгийн иргэд сонгогчидтой уулзах үеэрээ хэллээ. Уг нь тэрбээр иргэд сонгогчидтой уулзах үеэрээ “Манай багийнхан нэг зарчмыг чанд баримталж байгаа. Энэ нь бие биенээ гүтгэхгүй, доромжлохгүй. Харин өнөөдрийн нийгэм эдийн засгийн нөхцөл байдал ямар байгааг баримтаар нь ярина” гэдгээ хэлж зарчмаа баримталж байсан. Гэвч түүнийг тойргийнхоо сонгогчидтой уулзалт хийж,  санал бодлыг нь сонсоод явж байх үеэр архи уусан хүн  ирэх, иргэдийн амгалан тайван байдлыг алдагдуулах тохиолдол нэг бус удаа гарч байсан. Тэрч бүү хэл нутгийн ахан дүүсийнхээ гэрээр орж уулзаад явсны дараа хэн нь мэдэгдэхгүй хүмүүс  “Ж.Мөнхбат танайд юу өгсөн. Архи, чихэр өгсөн бол зургийг нь авч баримтжуулна” гэх зэргээр нутгийн иргэдийн дургүйцлийг хүргэх болсон байна. Иймээс тэрбээр дээрх уриалгыг гаргасан бөгөөд “Бид нэг агаараар амьсгалдаг, нэг уснаас уудаг.

Энэ нутагт МАН-ынхан уудаг ус, АН-ынхан уудаг ус гэж тусдаа байхгүй. АН-ын амьсгалдаг агаар, МАН-ынхны амьсгалдаг агаар ч гэж байхгүй. Бид нэг голынхон. Нэг нутгийн ахан дүүс. Манай нутгийнхан уужим ухаантай хүмүүс. Монголчуу өөдөө харссан тоонотой, урагшаа харсан үүдтэй. Хэн ч бай нутаг усны ахан дүүсээрээ орж аяганы амсар зуугаад гарах үед аль ч үед байдаг. Иймээс хэн хэн нь жудагтай, ёс зүйтэй байя. Бие биенээ муу хэлж, муухайгаар ярих цагаа арай өөр хэрэгтэй зүйлд зориулах хэрэгтэй” гэсэн юм. Архангайчууд нутгийн хүүгийнхээ энэ уриалгыг дэмжиж буйгаа хэлж, түүнийг Монголын төрийг дампуурсан, завхарсан устөрчдөөс салгахад түүчээ нь болж яваарай хэмээсэн ерөөсөн юм.

Эх сурвалж: Nam.mn