Увс аймгийн Ардчилсан намаас “Царцаагүй Сонгууль” сонгох эрхийн цуглааныг Ю.Цэдэнбалын талбайд зохион байгуулж байна.
Тэд Увсад ирсэн "царцаа"-нуудыг эсэргүүцэж, шударга сонгууль явуулахыг уриалав. МАН-ынхан царцааны нүүдэл буюу тойргоос тойрогт хүмүүсийг олноор нь шилжүүлэх хууль бус аргыг ихээр хэрэглэх болсон талаарх мэдээлэл сүүлийн үед хэвлэлүүдээр ихээр гарч байгаа юм.
Тухайлбал, УИХ-ын сонгуульд Хөвсгөл аймагт МАН-аас нэр дэвшигч УИХ-ын гишүүн Л.Энх-Амгалангийн тойрогт 2400 орчим сонгогч, Л.Мөнхбаатарын тойрогт 720 сонгогч, Архангай аймагт МАН-аас нэр дэвшигч Ж.Мөнхбатын тойрогт 603 сонгогч, Баянхонгор аймагт МАН-аас нэр дэвшигч Л.Элдэв-Очирын тойрогт 1900 сонгогч, Увс аймагт нэр дэвшигч УИХ-ын гишүүн Б.Чойжилсүрэнгийн тойрогт 2807 сонгогч саналд нөлөөлөх зорилгоор зохион байгуулалттайгаар шилжүүлэг хийлгэсэн байна.
Тиймээс Увс аймаг дахь Ардчилсан намын гишүүд, дэмжигчид болон сонгогчид царцааны нүүдлийг эсэргүүцэж “Царцаагүй Сонгууль” явуулахыг шаардаж, цуглаан хийж байгаа аж.
Эх сурвалж: Ардчилсан намын сонгуулийн штаб
Сэтгэгдэл (2)