Сонгуулийн Ерөнхий хорооноос сонгогчдын ирцийн эхний мэдээллийг дөнгөж сая мэдээллээ. 13.30 цагийн байдлаар сонгогчдын саналын ирц аймгуудын хэмжээнд 27.5 хувь, нийслэлийн хэмжээнд 18.3 хувийн ирцтэй байна. Харин улсын хэмжээнд сонгогчдын нийт ирц 23.4 хувийн ирцтэй байгаа гэж СЕХ-оос мэдээллээ. Энэ нь 2008, 2012 оны сонгуулийн энэ цагт гарсан ирцтэй ижил үзүүлэлт аж. Одоогийн байдлаар Сэлэнгэ аймаг хамгийн өндөр буюу 49 хувийн ирцтэйгээр сонгуулийн санал хураалтыг явуулж байна.
СЕХ-оос Сонгуулийн ирцийн дараагийн мэдээллийг 18.00 цагт өгнө гэлээ.
Ихэнх нутгаар бороо орсон тул зарим сумдаас мэдээ ирэхэд сүлжээ доголдож байгаа аж. Өвөрхангай аймгийн Төгрөг суманд тог тасарснаас болж автомат машин гацсан тохиолдол гарсан байна. Уг асуудлыг шийдсэн гэж СЕХ-ны дарга Ч.Содномцэрэн хэллээ. Мөн хурууны хээ уншигч ажиллахгүй байна гэсэн гомдол хэд, хэдэн хэсгийн хорооноос иржээ. Уг гомдлыг хүлээн авч улсын бүртгэлийн ерөнхий газрын явуулын баг шуурхай ажиллаж засчээ.
Т.Хулан
Сэтгэгдэл (2)