Сонгуульд ялалт байгуулан гишүүнээр сонгогдсон хүмүүс өнгөрсөн баасан гарат УИХ-ын гишүүнийхээ түр үнэмлэхийг гардан авсан. Энэ үеэр үнэмлэхээ гардан авсан шинэхэн гишүүдийн сэтгэгдлийг сонирхолоо.

АН-ын ялагдал биднийг дүгнэх, эргэн харах ажил ихтэй байгааг харууллаа гэж бодож байна. АН-ын есөн гишүүн бүлгээ байгуулж, эрх баригч хүчинд мөрийн хөтөлбөрийг нь байнга сануулан ажиллана.

Өнөөдрийн хувьд Эрдэнэтчүүдийн төдийгүй ард түмний хамгийн их санаа зовоосон асуудал бол Эрдэнэт үйлдвэрийн 49 хувьтай холбоотой асуудал юм. Хэдийгээр монгол эзэнтэй болсон мэт боловч тус үйлдвэрт ажиллаж байгаа ажилтнуудын эрх ашиг хөндөгдөх вий, Эрдэнэт хотыг, иргэдийг нь  бодно гэсэн амлалт хэвээр байгаа эсэхийг харна. АН-ыг толгойлон удирдаж байсан нөхөд ард иргэдээ мартаж, ард иргэдийнхээ эсрэг ажилласаны “гор”ыг амсч байгаа нь энэ. 

Монголын тал нутагт Хамаг монголд хүртэл дэлхийгээр цацсан шагай шиг хүмүүс маань чих тавин сонсч хүлээж байлаа. Зөвхөн Монгол биш хамаг монголчууд сонсч байсан. Тойргийнхоо нийт түмэн олондоо баярлалаа. Монгол дээлтэйгээ очиж сонгуулиа өгсөн бүх хүмүүст баярлалаа. Монгол яллаа. Жавхлан ялаагүй юм шүү. Миний ярьж явдаг Монгол ёс заншил, мартагдаж байгаа үүх түүх соёл минь яллаа. Энэ ялалтууд цаашид үргэлжилнэ. Монголын төлөө би чөтгөртэй ч хамт нийлнэ гэж ярьдаг байсан. Монголын төлөө бол хэнбугай ч, нам эвсэл ч хамаагүй ээ. Харамсалтай нь Монголд асар их талцал байгаа шүү дээ. Энэ муухай талцалыг оёж эвцэлдүүлэх чиглэлийг барьж ажиллана.

Энэ удаагийн УИХ бол маш хариуцлагатай байх болно. Иргэн, өрх бүр, улсын маань эдийн засаг тун хямралтай байна. Ийм нөхцөл байдалд эмэгтэйчүүдийн ухаан маш их чухал. Дэлхийн хэмжээнд ч зөөлөн улстөр хамгийн их үгүйлэгдэж байгаа. Би эмэгтэй хүний хувь, эх хүний хувьд, эдийн засгийн сэтгүүлч хүний хувьд бүхий л бололцоогоо дайчлан ажиллах болно. Бид хариуцлагаа ухамсарлаж, хариуцлагын тухай хуулийг батлах, ажлын байрыг олноор бий болгох,  эдийн засгаа хөдөлгөхийн төлөө ажиллах болно.

Хан-Уул дүүргийн 57 дугаар тойргийн сонгогчдодоо талархаж байгаагаа илэрхийлье. Надад итгэл үзүүлсэн Хан-Уулчууддаа баярлалаа. Би та нарынхаа итгэлийг зүтгэлээр хариулах болно. Сонгуульд ажилласан штабынхандаа, хамт олон, найз нөхөд, надад тусалсан бүх хүмүүст маш их баярлалаа.

Төв аймгийн 29 дүгээр тойргийнхоо ард иргэдэд баярласнаа илэрхийлье. Та бүхнийхээ итгэл сэтгэлийг ажил болгоно гэж амлаж байна. Хийх ажил олон байна. Эдийн засгийн хямрал, их өрийн асуудал гээд цаг наргүй ажиллаж байж амжилтад хүрнэ гэж бодож байна.  Ер нь хүний амьдралын бүх мөчлөгт нийцсэн мөрийн хөтөлбөрийг МАН  дэвшүүлсэн. Амьдралд буусан, бүрэн хэрэгжих боломжтой мөрийн хөтөлбөр юм. Хэрэгжүүлэхийн төлөө бид хамтран ажиллах болно.

Дундговьчууддаа баярлалаа. Та бүхнийхээ итгэлийг дааж ажиллана. Эгчтэйгээ цуг нэг танхим сууна гэхээр их сонин байна. Эгчдээ амжилт хүсье.

Монгол ардын мөрийн хөтөлбөрийг батлуулж Засгийн газрын хөтөлбөр болгох хэрэгтэй гэж бодож байна.

Ард иргэдийнхээ аж амьдралыг дээшлүүлэх гэсэн мөрийн хөтөлбөрөө биелүүлэхийн төлөө ажиллах болно. МАН-аас 12 эмэгтэй гишүүн сонгогдлоо. Эмэгтэйчүүд ард иргэдийнхээ амьдралд маш их мэдрэг байдаг. Би ард иргэдтэйгээ уулзаж явахдаа тун их сэтгэл зовниж байлаа. Иргэдийнхээ итгэлийг хүлээж, хурдхан түргэн тэднийхээ төлөө ажилламаар байна. Хамгийн эхэнд би хариуцлагаа ухамсарлаж байна.

24tsag.mn