Ардчилсан намын ҮЗХ-ны хуралдааныг өнөөдөр 11.40 цагт үргэлжлүүлэхээр болсон ч цуцлагдсан байна. Ардчилсан намын Үндэсний зөвлөлдөх хороо /ҮЗХ/-ны хуралдаан өчигдөр 19 цаг өнгөрч байхад эхэлсэн бөгөөд ҮЗХ-ны хуралдаан 139 гишүүний ирцтэйгээр хуралдаанаа нээсэн юм. Ардчилсан намын ҮЗХ нь нийт 210 гаруй гишүүнтэй. Иймээс өчигдрийн хуралдаанд ирсэн гишүүдийн ирц 50 гаруй хувьтай байна гэсэн үг юм. 

ҮЗХ энэ удаагийн хуралдаанаараа дараах асуудлыг хэлэлцэн шийдвэрлэхээр төлөвлөжээ.

• 2016 оны УИХ-ын сонгуульд оролцсон тухай мэдээлэл,
• Ардчилсан намын даргыг томилох тухай,
• Намын үндсэн дүрмийн шинэчилсэн найруулгын төслийг бэлтгэх ажлын хэсгийг байгуулах,
• Ардчилсан намын VI их хурлын товыг зарлах тухай,
• Ардчилсан намын VI их хурлын бэлтгэл ажлыг хангах ажлын хэсгийг байгуулах тухай,
• Ардчилсан намын 2012-2016 оны үйл ажиллагаанд үнэлэлт дүгнэлт гаргах ажлын хэсэг байгуулах

Харин Намын Их хурал 12 дугаар сарын 05-06 болохоор боллоо.