Ерөнхий сайд Ж.Эрдэнэбат Засгийн газрын бүтцээ Ерөнхийлөгчид өргөн барьсан боловч, Ерөнхийлөгч бүцтийг зөвшилцөхөөс татгалзан.

Тодруулбал, Ерөнхийлөгч Ц.Элбэгдорж үндсэн чиг үүргийн яамдын тоог нэмэх санал нь УИХ-ын гишүүн, Засгийн газрын гишүүний албан тушаалыг давхар хаших боломжийг нэмэгдүүлж байна. Энэ нь УИХ-д олонхи болсон намын Монголын ард түмэнд өгсөн амлалтай нийцэхгүй, мөн төрийн хууль тогтоох болон гүйцэтгэх эрх мэдлийг заагтай, хариуцлагатай, харилцан хяналтай хэрэгжүүлэх зарчимтай зөрчилдөж байгаа учраас дэмжих боломжгүй" хэмээсэн юм.

Тэгвэл МАН-ынхан баталсан бүтцээ УИХ-д шууд өргөн мэдүүлэхээр болсон байна. Хуулийн дагуу Ерөнхий сайд Ерөнхийлөгчтэй зөвшилцөөд УИХ-д өргөн барих заалттай. Харин Ерөнхийлөгчийн өгсөн саналыг тусгах эсэх нь Ерөнхий сайдын бүрэн эрхийн хүрээний асуудал учир ийнхүү УИХ-д өргөн мэдүүлсэн байна. Шинэ Засгийн газар 13 яам, 16 сайдаас бүрдэх аж. 

Чиг үүргийн яамд:

Сангийн,
Хууль зүй дотоод хэргийн
Гадаад харилцаа,
Байгаль орчны
Хөдөлмөр, нийгмийн хамгааллын яам

Чиглэлийн яамдад:

Батлан хамгаалах яам
Барилга, хот байгуулалтын яам
Боловсрол, соёл, шинжлэх ухаан, спортын яам
Зам тээврийн яам
Уул уурхайн яам
Хүнс, хөдөө аж ахуй, хөнгөн үйлдвэрийн яам
Эрчим хүчний яам
Эрүүл мэндийн яам багтаж байгаа аж.