Ерөнхий сайд Ж.Эрдэнэбат Засгийн газрын бүтцээ Ерөнхийлөгчид өргөн барьсан боловч, Ерөнхийлөгч бүтцийг зөвшилцөхөөс татгалзаж, буцаасан.
Тодруулбал, Ерөнхийлөгч Ц.Элбэгдорж үндсэн чиг үүргийн яамдын тоог нэмэх санал нь УИХ-ын гишүүн, Засгийн газрын гишүүний албан тушаалыг давхар хаших боломжийг нэмэгдүүлж байна. Энэ нь УИХ-д олонхи болсон намын Монголын ард түмэнд өгсөн амлалттай нийцэхгүй. Мөн төрийн хууль тогтоох болон гүйцэтгэх эрх мэдлийг заагтай, хариуцлагатай, харилцан хяналттай хэрэгжүүлэх зарчимтай зөрчилдөж байгаа учраас дэмжих боломжгүй" хэмээсэн.
Тэгвэл энэ нь Ерөнхийлөгчийн хоёр дахь хөзөр нь ил болж байгаа хэрэг аж. АН-ын ҮЗХ-ны хурлын үеэр Ерөнхийлөгчийг МАН-тай нийлж, АН-ыг ялагдахад гол үүрэг гүйцэтгэсэн бөгөөд намынхаа удирдлагыг авахын тулд ийнхүү намаа ялагдалд хүргэсэн гэх шүүмжлэл гарсан. Түүнчлэн Ерөнхийлөгчийг энэхүү сэнтийд залрахад голлох үүрэг гүйцэтгэсэн МоАН фракц ч АН-ыг энэ удаагийн сонгуульд ялагдаж хүлээхэд голлох үүрэг гүйцэтгэсэн гэдэг нь ил болсон. Тодруулбал, тус фракцийнхан сонгуулийн хуулийг өөрчилж, жижиг 76 тойрог байгуулахад онцгой гавьяа байгуулсан. Тийм ч учраас намын удирлагыг авахаар мөн дайрч эхэлсэн гэдгийг хэлэх хүн олон байсан юм. Энэ бүхнээс болж Ардчилсан нам ҮЗХ-гоо хуралдуулж чадалгүй цуцалсан.
Ерөнхийлөгч МАН-тай сүжрээгүй гэдгээ илтгэж, АН-ын гишүүд дэмжигчдийн итгэл хүндлэлийг хүлээхийн тулд шинэ Засгийн газрын бүтцийг дэмжсэнгүй.
Харин дээрх үйл явдлуудын дараа АН-ын гишүүд дэмжигчдийн дунд Ерөнхийлөгчид итгэл суларч, түүнийг АН-ын удирдлагыг авахын тулд МАН-тай сүжирч эхэлсэн гэх хэл ам гарах болсон билээ. Тэгвэл Ерөнхийлөгч МАН-тай сүжрээгүй гэдгээ илтгэж, АН-ын гишүүд дэмжигчдийн итгэл хүндлэлийг хүлээхийн тулд шинэ Засгийн газрын бүтцийг дэмжсэнгүй.
Энэ нь зөвхөн АН-ынханд итгэл төрүүлж, сайн хүн болж харагдах төдийхөн зүйл байв. Учир нь Ерөнхий сайд Засгийн газрын бүтэц, бүрэлдэхүүний асуудлаар Ерөнхийлөгчтэй зөвшилцөөд л түүнийгээ УИХ-д өргөн мэдүүлэх учиртай. Харин Ерөнхийлөгчийн саналыг хүлээж авах эсэх нь Ерөнхий сайдын бүрэн эрхийн асуудал. Тиймээс ч Ерөнхийлөгчийн саналыг хүлээж авалгүй өчигдөр Засгийн газрын бүтцийн хуулийн төслөө УИХ-д өргөн мэдүүлж улмаар олонх болоод буй МАН-ынхан дэмжиж баталсан нь Ерөнхийлөгчийн хоёр дахь нууц хөзөр Засгийн бүтцийг дэмжихгүй гэх үйлдэл байсан гэдгийг батлав.
Ийнхүү намынхаа удирдлага хийгээд олон нийтийн итгэлийг олж авахын төлөө хийж буй Ерөнхийлөгчийн үйлдэл хэрээс хэтэрч байгааг шүүмжлэх хүн олон байгаа юм.
24tsag.mn
Сэтгэгдэл (20)