УИХ-ын гишүүн О.Баасанхүү өнөөдөр /2016.08.24/ сэтгүүлчдэд мэдээлэл хийлээ.

Тэрээр “Улсын Их Хурлын ээлжит бус чуулганы тов гарсан гэх боловч надад албан ёсоор мэдээлэл ирээгүй байна. Санал нийлэхгүй асуудал нэлээд байна. Манай МАХН-ын мөрийн хөтөлбөртэй ч уялдахгүй байна. Тиймээс энэ тодотголыг дэмжихгүй. Мөн дэд сайд хөтөлбөрийг болиулах хэрэгтэй. Дэд сайдын туслах, жолооч зөвлөх, томилолтын зардал гэх мэт маш олон зарлага гарна. Тиймээс дэд сайдуудаа татаад авчих хэрэгтэй. Хувь хүний орлогын албан татварыг тэр дундаа эгэл жирийн бизнес хийдэг хүмүүсийн татварыг нэмж байгаа нь буруу. Өмнө нь МАН татвар нэмэхийг эсэргүүцэж байсан. Тэгж ярьж байсан хүмүүсийн 20 нь одоогийн парламентад байдаг атал МАН-ын ашиг сонирхлын зөрчилтэй нөхөд гарч ирээд сонгуульд зарцуулсан зардлаа нөхөх гэж байгаа мэт ийм ажил хийвэл бүтэхгүй” гэлээ.

Мөн Эрүүл мэндийн тухай, Хүүхэд харах үйлчилгээний тухай, Хүүхэд хамгааллын тухай зэрэг хэд хэдэн хуулийн хэрэгжих хугацааг хойшлуулах, дунд хугацаанд төсвийн орлогыг нэмэгдүүлэх, зарлага санхүүжилтийг бууруулах бодлогын арга хэмжээг авч хэрэгжүүлэх зорилгын хүрээнд хийгдэхээр тусгагдсан зарим асуудлыг дэмжихгүй гэдгээ илэрхийлсэн юм.

Мэдээллийн төгсгөлд тэрээр сэтгүүлчдийн сонирхсон асуултад хариулт өглөө.