Төв замын зөвшөөрөл өнөөдрөөс тараагдаж эхэллээ. Нийслэлийн иргэдийн төлөөлөгчдийн хурлын тэргүүлэгчдийн 2009 оны 153 дугаар тогтоолын дагуу бүх жин 5500 кг-аас бага бол “В”, 5500 кг-аас их ачааны автомашинуудад “С” зөвшөөрлийг хагас жил тутам олгож, зохицуулалттайгаар хөдөлгөөнд оролцуулдаг билээ.
   
Төв замын зөвшөөрөл өнөөдрөөс тараагдаж эхэллээ. Нийслэлийн иргэдийн төлөөлөгчдийн хурлын тэргүүлэгчдийн 2009 оны 153 дугаар тогтоолын дагуу бүх жин 5500 кг-аас бага бол “В”, 5500 кг-аас их ачааны автомашинуудад “С” зөвшөөрлийг хагас жил тутам олгож, зохицуулалттайгаар хөдөлгөөнд оролцуулдаг билээ.
    2012 оны хоёрдугаар хагасын зөвшөөрлийг нийслэлийн дүүргүүд дэх Замын цагдаагийн тасаг долдугаар сарын нэгнээс тарааж эхэлсэн байна.

В-2, С-2 зөвшөөрөл авахаар хүсэлт гаргасан иргэд, аж ахуйн нэгжид дараах шаардлагыг  хангасан байх ёстой юм.

Нэг. Монгол улсын MNS-4598:2011 стандартад нийцсэн ачааны автомашин

 Автотээврийн хэрэгслийн бүх жингийн зөвшөөрөгдөх дээд хэмжээ нь:
-Хоёр голтой автотээврийн хэрэгсэлд      - 18 тн
- Гурван голтой тээврийн хэрэгсэлд     - 24 тн
- Дөрвөн голтой автотээврийн хэрэгсэлд     - 38 тн
- Таван голтой автотээврийн хэрэгсэлд     - 40 тн
- Зургаан голтой автотээврийн хэрэгсэлд     - 44 тн
 Автотээврийн хэрэгслийн уртын зөвшөөрөгдөх дээд хэмжээ нь:
-9-өөс дээш хүний суудалтай, 5.0-аас дээш тн нийт жин бүхий     автобуснаас бусад төрлийн тээврийн хэрэгсэлд:     - 12 м
- 9-өөс дээш хүний суудалтай, 5 тонноос дээш нийт жин бүхий     автобусанд:     - 13.7м
- чиргүүл:                     - 12 м
- хагас чиргүүл бүхий зүтгүүрт цуваанд:         - 16.5 м
- ачааны автомашин ба чиргүүлээс бүрдсэн авто цуваа - 18.75 м
- Бусад тээврийн хэрэгслийн цуваа:     - 18.5 м

Хоёр.  Улсын дугаарын бичлэг

Монгол улсын замын хөдөлгөөний дүрэмд  “Монгол Улсын нутаг дэвсгэрт ашиглагдаж байгаа механикжсан тээврийн хэрэгсэл (троллейбусаас бусад) болон чиргүүл нь .... улсын дугаарын тэмдэгтэй байхаас гадна улсын дугаарын тоо, үсгийг ачааны автомашин, чиргүүл (суудлын автомашины чиргүүлээс бусад)-ийн хоёр хажуу болон ар талд, автобус (бага оврын автобусаас бусад)-ны ар талд үндсэн өнгөөс ялгарах өнгөөр бичсэн байна” гэж заасны дагуу ачааны автомашины хоёр хажуу, ар талдаа машины үндсэн өнгөөс ялгарахаар улсын дагаараа тод бичсэн байхыг шаардаж буй юм.

Гурав. Гэрэлтүүлэх хэрэгсэл, гэрэл ойлгогч

Тээврийн хэрэгслийн оврын хэмжээг илтгэхүйцээр гэрэл ойлгогч, гэрэлтүүлэх хэрэгслийг наасан байна.

Дөрөв. Үзлэг оношлогоо

В-2, С-2 зөвшөөрөл авахаар хүсэлт гаргасан иргэд, аж ахуйн нэгж байгууллага тээврийн хэрэгслээ оношлогоонд хамруулсан байх шаардлагатай юм. Өөрөөр хэлбэл техникийн хувьд бүрэн бүтэн ачааны автомашин төв замын зөвшөөрөл авна гэсэн үг.
Дээрх шаардалагыг хангасан жолооч нар харьяа дүүргийнхээ Замын цагдаагийн тасгаас зөвшөөрөлөө авах юм байна.  
Мөн Түр зөвшөөрөл буюу жолооч нарын хэлж заншсанаар хэвтээ “С”- зөвшөөрөлийг олгож буй юм.
С-2 зөвшөөрөлтэй автомашинууд 07.00-22.00 цагийн хооронд хориглосон гудамж замуудад зайлшгүй нэвтрэх тохиолдолд түр зөвшөөрөл авдаг юм.    

Зөвшөөрөл, түүний төрөл, зохицуулалт

Дээрх ангилалаар зөвшөөрөл авсан ачааны автомашинуудыг тодорхой цаг, гудамж замуудад хөдөлгөөнд оролцохыг нь хориглодог.
Үүнд:

“В” ангиллаар зөвшөөрөл авсан ачааны автомашин өдрийн 10.00-21.00 цагуудад зорчихыг хориглосон гудамж замууд

• Бага тойргоос дотогш замуудад
•Энхтайвны өргөн чөлөөнд, МУБИС-ийн уулзвараас Цэцэг төвийн уулзвар хүртэл
•Чингисийн өргөн чөлөөнд, Төв шуудангийн зүүн урд уулзвараас Энхтайвны гүүрний хойд уулзвар хүртэл

“С” ангиллаар зөвшөөрөл авсан ачааны авто машин өдөр 07.00-22.00 цагуудад зорчихыг хориглосон гудамж, замууд

• Москвагийн гудамжинд, Геологийн төв лабораторийн зүүн урд гэрлэн дохиотой уулзвараас нэгдүгээр хорооллын аюулгүйн тойрог зам хүртэл.
•Энхтайвны өргөн чөлөөнд, нэгдүгээр хорооллын аюулгүйн тойрог замаас Офицеруудын ордны зүүн урд аюулгүйн тойрог зам хүртэл.
• Өнөр хорооллын гудамж.
• Ард-Аюушийн өргөн чөлөө
•Энэбишийн өргөн чөлөөнд, Өргөө кино театрын зүүн урд уулзвараас Тасганы овооны уулзвар хүртэл
• Хасбаатарын гудамж
•Эх нялхсын эрдэм шинжилгээний төвийн баруун хойд уулзвараас Хувьсгалын зам гудамж хүртэл
•Хувьсгалын зам гудамжинд, Тасганы овооны уулзвараас Гэсэр сүмийн урд уулзвар хүртэл
• Их тойруу замд, Баянбүрдийн аюулгүйн тойрог замаас Барс худалдааны төвийн зүүн хойд уулзвар хүртэл
• Сөүлийн гудамж

• Их тойруугаас дотогш замууд

•Нарны зам гудамжинд, Замын цагдаагийн газрын баруун урд уулзвараас аравдугаар хорооллын Материал импексийн  зүүн хойд гэрлэн дохиотой урд уулзвар хүртэл
• Олимпийн гудамж
•Чингисийн өргөн чөлөөнд Энхтайваны өргөн чөлөөний урд уулзвараас Төв шуудангийн зүүн урд уулзвар хүртэл
•Гурвалжингийн гүүрний урд уулзвараас нэгдүгээр хорооллын аюулгүйн тойрог зам хүртэл
•Дилав хутагт Жамсранжавын гудамж, Жалханз хутагт Дамдинбазарын гудамж
  “С” ангиллаар зөвшөөрөл авсан ачааны авто машин шөнө 22.00-07.00 цагуудад зорчихыг хориглосон гудамж замууд:

• Бага тойруугаас дотогш замуудад

•Энхтайвны өргөн чөлөөнд, Монгол Улсын Багшийн их сургуулийн уулзвараас Цэцэг төвийн уулзвар
•Чингисийн өргөн чөлөөнд, Төв шуудангийн зүүн урд уулзвараас Энхтайвны гүүрний зүүн урд уулзвар хүртэл.