Засгийн газрын зүгээс Хамтын тэтгэврийн буюу бурхан болсон талийгаачийнхаа тэтгэврийг хань, ижил нь үргэлжлүүлэн авах хуулийг хүчингүй болгохоор төсвийн тодотголд тусгасан. Энэ талаар УИХ-ын гишүүн З.Нарантуяа тус хуулийг хүчингүй болгосноор хэдэн төгрөгийг хэмнэж байгааг асуусан юм. Харин түүний асуултад Сангийн сайд Б Чойжилсүрэн хариулахдаа “Ойролцоогоор 53-60 орчим тэрбум төгрөг хэмнэгдэх байх. Хамтын тэтгэврийн хууль шүүмжлэл дагуулаад байгаа. Монголчууд чинь сүсэг бишрэлтэй. Талийгаач болсон хөгшнийхөө нэрийн өмнөөс энэ тэтгэврийг авмааргүй байна гэсэн санал Сангийн яамд их ирээд байгаа учраас хүчингүй болгоё гэсэн саналыг оруулсан” гэж хариулсан нь олны дургүйцлийг хүргээд байна.

Уг нь ард түмэн тэр дундаа тэтгэврийн насныхан уг хуулийн хэрэгжилтийг хүлээж байсан. Гэтэл Сангийн яамнаас ийм тайлбарыг өгч буй нь үнэхээр олныг гайхшруулав. 

24tsag.mn