Ерөнхийлөгч Ц.Элбэгдорж өнөөдөр ДАШТ-д оролцох өсвөрийн шатарчид болон Монголын Шатрын холбооны удирдлагуудыг хүлээн авч уулзав. Уулзалтад МШХ-ны Гүйцэтгэх захирал Б.Наранбаатар, ДШХ-ны Монгол дахь төлөөлөгч, МШХ-ны Дэд Ерөнхийлөгч Ц.Цогбаяр, МШХ-ны Дэд Ерөнхийлөгч Д.Баярболд, Өсвөрийн шатарчдын зөвлөлийн дарга Г.Даваахүү нар өсвөрийн шатарчидтайгаа оролцлоо.

Гүрж Улсын Батуми хотноо энэ аравдугаар сарын 18-31-ний хооронд зохион байгуулагдах 8, 10, 12 насны өсвөрийн шатарчдын Дэлхийн аварга шалгаруулах тэмцээнд Монгол Улсаа төлөөлөн шилдэг өсвөрийн 19 шатарчид оролцох юм. Уулзалтын үеэр Монгол Улсын Ерөнхийлөгч өсвөрийн шатарчдын гаргаж буй амжилтыг үнэлж, Дэлхийн аварга шалгаруулах тэмцээнд оролцох өсвөрийн шатарчдад амжилт хүсээд, цаашид шатрын спортыг дэмжихээ илэрхийллээ.

Гүржид болох ДАШТ-нд Өсвөрийн шатарчдын дэлхийн аварга, сурагчдын дэлхийн аваргын мөнгөн медаль.Ази тивийн аварга Д.Мөнхзул, Өсвөрийн шатарчдын дэлхийн аваргын мөнгөн медаль, сурагчдын дэлхийн аварга, Ази тивийн аварга Е.Төгстөмөр, Өсвөрийн шатарчдын дэлхийн аваргын мөнгөн медаль, Ази тивийн аварга Б.Мөнгөнзул, Сурагчдын дэлхийн аваргын мөнгөн медаль, Ази тивийн аварга Г.Амартvвшин нарын зэрг өсвөрийн 19 тамирчин оролцохоор бэлтгэлээ базаагаад байна.