Монгол улсын ерөнхийлөгч Ц.Элбэгдорж өнөөдөр Азийн оюутны аварга, Азийн элсний наадмын мөнгөн медальт Монгол улсын сагсанбөмбөгийн шигшээ баг тамирчдыг төрийн ордонд хүлээн авч уулзаж хүндэтгэл үзүүлэх юм.

Энэхүү уулзалтын үеэр Ази тивийн түвшинд бахдам амжилт үзүүлээд байгаа баг тамирчид маань Монгол улсын 4 дэх ерөнхийлөгч Ц.Элбэгдоржид #4 номерийн дугаартай цагаан өнгийн өмсгөлөө дурсгал болон өгөх аж. Үүнээс  гадна аваргын тоглолтын гарын үсэгтэй бөмбөг, торыг дурсгал болон өгөх юм байна.