Өнгөрөгч есдүгээр сарын 28-ны өдрийн Засгийн газрын хуралдаанаар Ипотекийн зээлийг үргэлжлүүлэн олгохоор болсон.

МАН-аас ипотекийн зээлийг хэрхэн олгохоо мэдэхгүй байна. Учир нь Монгол банкны тухайд зээлийн эх үүсвэрийг шийдэх боломжгүй гэсэн яриа улс төрийн хүрээнийхэнд бий. Одоогоор  зээлийн эх үүсвэрийг яаж бүрдүүлэх талаар Монголбанк , Засгийн газар судалж буй юм.

Тэгвэл одоогийн Засгийн эрхийг барьж буй МАН бүлгийн хуралдаанаараа уг асуудлыг өчигдөр авч хэлэлцжээ. Хуралдаанаар ипотекийн зээлийг олгох хоёр аргаас нэгийг нь сонгохоор болсон аж. Орон сууцны ипотекийн зээлийн асуудлыг Ерөнхий сайд Ж.Эрдэнэбат өөр дээрээ авч, Засгийн газар дангаараа шийдээд явах арга зам бий гэдгийг онцлов. Эсвэл Мөнгөний бодлогод тогтоол оруулж байж зээлийг үргэлжлүүлэх боломжтой гэнэ.

Засгийн газар, Монголбанкны хоёр өөр өөр байр сууриас болж ипотекийн зээл хэзээнээс үргэлжлэх, эх үүсвэрийг нь хаанаас шийдэх асуудал тодорхойгүй хэвээр байна.