Өнөөдөр УИХ-ын чуулганы ээлжит хуралдааны үеэр О.Баасанхүү гишүүн Ц.Нямдорж нарын дунд ширүүн маргаан өрнөв.

Тэд “Эрдэнэт” үйлдвэртэй холбоотой асуудалд өөр өөрсдийн байр суурийг илэрхийлэв.  Сүүлийн үед тус үйлдвэрийн захиралд томилогдох тухай нэр нь яригдаж буй Г.Алтангийн талаар УИХ-ын гишүүн Ц.Нямдорж тайлбар өглөө.

УИХ-ын гишүүн Ц.Нямдорж: Ямар ч увсын хүн байхгүй

Тэрбээр "Ц.Нямдорж “Эрдэнэт” үйлдвэрийн захиралд Г.Алтан гэх хүнийг гаргана" гэсэн гүтгэлэг явж байна. Энэ тухай ямарч яриаг хэнтэй ч яриагүй. Ямар ч увсын хүн байхгүй. Би сонгууль болсноос хойш “Эрдэнэт”-ийн захирлыг соль гэж хэлсэн. Ердөө л энэ. Асар их доромжлол гүтгэлэг явж байна. Энэ сэдвээр ярьсан хүн болгоныг харлуулж байна. Одооны "Эрдэнэт"-ийг барьцаалж авчихаад байхад хуулийнхан нүдээ аниад яваад байна шүү дээ. Чадахгүй бол татан буугдаач ээ. 1000 сайн хөтөлбөр батлавч хуулийн байгууллага нь нэмэр байхгүй. Зөндөө мөнгө гаргаж өгч байна. Зүрхийг чинь үхүүлэх гэж улс төрчид  зөндөө юм хийж байна. Түүнийг нь хамгааллаа.  Ийм учраас хууль эрхзүйн орчны тухай хуулийн энэ хөтөлбөрийг О.Баасанхүү, Я.Содбилэг та гурав сонгогчдын нэрийн өмнөөс дуугарах хэрэгтэй. Гаргаад өгөөч тэр баримтаа” гэв.

УИХ-ын гишүүн О.Баасанхүү: Тэр үед Ц.Нямдорж байгаагүй шүү дээ

Хариуд нь УИХ-ын гишүүн О.Баасанхүү "20 жил хуульзүйн сайд хийгээгүй болохоор улс төрийн мафийн асуудлыг сайн мэдэхгүй байна. “Эрдэнэт”-ийн тухай  ам дамжсан зөндөө л юм яригддаг.  Хууль хяналтын байгууллага шалгаж байгаа зүйлд юу ярих вэ дээ.  Би л гэхэд ганц машинаа зарах гэсэн болдоггүй юм байна лээ. Ард түмэн мөнгөгүй болсон, авахгүй юм байна лээ. Гэтэл том том байгууллага сар хүрэхгүй хугацаанд борлогдож байгаад хувьдаа хардлага төрлөө л дөө. “Эрдэнэт” үйлдвэрийн асуудлаар Ерөнхий сайд асан Ч.Сайханбилэгийг хүртэл  2013 оноос хойш мэтгэлцээнд дуудаад байгаа. Тэр үед Ц.Нямдорж байгаагүй шүү дээ. Гэтэл Ц.Нямдорж “Эрдэнэт” үйлдвэрийн талаар гэнэт яриад эхэлсэн. Энэ тухайгаа тайлбарла л даа. Уур бухимдлаа намдаа гарга. Би АТГ-ын  даргыг өрөөндөө дуудаарай гэж хэлсэн. Ц.Нямдоржийг телевизгүй гэхэд би шоолоогүй. Яагаад гэвэл олон нийтийн сүлжээнд хөндлөнгийн зүгээс хяналт тавихгүй гэж л харсан. Өөр хийж чадах хүнийг нь томил. Шинээр хүн аваад  яв л даа" гэсэн юм.

Хуралдааны үеэр "Эрдэнэт" үйлдвэртэй холбоотой асуудлыг АТГ-аас шалгаж байгаа гэдгийг Х.Энхжаргал хэлсэн юм.