УИХ дахь үдээс хойшхи хуралдаанаар 2017 оны  Монгол Улсын Төсвийн тухай  хууль, Нийгмийн даатгалын сангийн 2017 оны төсвийн тухай хуультай хамт өргөн мэдүүлсэн УИХ-ын тогтоолын төслийн анхны хэлэлцүүлгийг хийж санал хураалгаж байна.

Энэ үеэр УИХ-ын  гишүүн Я.Содбаатар: 

"Хөрөнгө оруулагчдын итгэл алдарсан. Гадаад вальютын нөөц 4 жилийн дотор буурсан. Ажилгүй орлогогүй өрийн дарамттай иргэд нэмэгдсэн. Сүүлд ирсэн статистик мэдээллээр Улсад бүртгэлтэй 133  компани  байдгийн  2 компани тутмын 1 нь үйл ажиллагаагаа зогсоож байна.

Засгийн газар үндэсний томоохон аж ахуй нэгжүүдийн бонд, хөрөнгө хумигдсан. Гадаадаас зээл хүсхэд хүрлээ. Засгийн газар ийм хүнд үед хүндрэлээс гарах гарцаа зөв тодорхойлох, төсвийн орлогын эх үүсвэрийг зөв тодотгох, тодорхой арга хэмэжэ авсныг сайшааж байна. Монгол Улсын Засгийн Газраас эдийн засгийн тогтвортой хөгжлийн хуулийн төслийг хэлэлцснийг энд дурдъя. Банкны зээлийн хүүг бууруулхыг нийгэм хүлээж байна.

Бага хүүтэй урт хугацаатай зээлийн баримт 2017 оны нэгдсэн төслийн орлого 5 их наяд 978 сая тэрбум төгрөг. Төсвийн алдагдлыг бууруулхад гол анхаарлаа хандуулах нь чухал гэж УИХ дахь МАН үзэж байна"  хэмээн танилцуулсан юм.

Тэгвэл АН-ын бүлгээс дүгнэлтээ гаргаж УИХ-ын гишүүн, тус бүлгийн дарга С.Эрдэнэ МАН-ын амласан амлалтаасаа буцаж, өрийн хэмжээг нэмэгдүүлж байгааг онцлов.

УИХ-ын гишүүн С.Эрдэнэ:

"МАН бид зүтгэнэ хамтдаа хөгжинө уриатай УИХ-д гарч ард түмний итгэлийг авсан.  Гурван сарын хугацаанд хэрэгжүүлсэн ажил нь  мөрийн хөтөлбөртэйгээ зөрчилдсөн. АН өнгөрсөн хугацаанд ажилгүйдлийг нэмж, тэтгэмж тэтгэврийг танаж ард түмний амьдралыг бууруулаагүй.

 2017 төсвийн тухай хууль,  нийгмийн даатгалын сангийн тухай хуулийг судлан үзлээ.

Та бүхэн төсөв мөнгөний бодлогыг гаргахдаа бидний бодлого 5 их наяд 978 сая 54 төгрөг ДНБ-ний  22 хувьтай тэнцэж байхаар тооцосон байна. Мөнгөний хатуу бодлогын үед өндөр тоо батлах нь ирэх хоёр жилд эдийн засаг зогсох аюултайг анхааруулж байна.

Шинэ Засгийн Газар  татварын орлогыг  8 хувиар нэмэгдүүлсэн нь иргэдэд дарамт болж байна. УИХ-аас баталсан  хууль тогтоомжийг хүчингүй болгож 159 сая төгрөг хассан нь иргэдийнхээ халаас руу гараа дүрж байгаатай адил юм.

Сөрөг хүчин байхдаа шаарддаг байсан зарчмын шаардлага мартаж байна. Бодлогуудын үр дагаварыг тооцоолоогүйгээр хааж байгаа нь туйлын хариуцлагагүй . Эдийн засгаа өсгөх нь бодлогын амин чухал зүйл.

Дотоодын хэрэглээгээ дэмжсэн, Эдийн засгаа нэмэгдүүлсэн ажил хүлээсээр 100 хонож байна. Сургууль цэцэрлэгийн хөрөнгө оруулалтыг хувийн хэвшлийнхэнтэй хамтарч ажиллавал эдийн засгийг нэмж чадна. Засгийн газрын ирэх онд 5.4 их наяд төвлөрүүлхээр  төлөвлсөн нь их өрийн дарамтыг үүсгэхээр харагдаж байна.

Төгрөгийн ам.доллартай харьцах ханшийг 2300 төгрөг байна хэмээн тооцолсон нь амьдралаас тасарсан үзүүлэлт болж байгааг илтгэнэ. Өнөөдөр ам.долларын төгрөгтэй харьцах ханш 2400 төгрөг байна. Иймд та бүхэн энэ бодлогоо эргэн хархыг бидний зүгээс хүсч байна" гэснээр үргэлжлүүлэн санал хураалтын дүнг танилцуулсан.