Өчигдөр болсон УИХ-ын ээлжит хуралдаанаар 2017 оны төсөв хэлэлцсэн. Энэ үеэр гишүүд хэлэлцэж буй сэдвээсээ хазайж сүүлийн үед яригдах болсон "Эрдэнэт" үйлдвэр, Авлигатай тэмцэх хуультай холбогдуулан том улс төрчдийн хэрэг шийдэгддэггүй зэрэг олон асуудлыг ярьж, маргасан юм.

Хэлэлцүүлгийн үеэр УИХ-ын гишүүн Ө.Энхтүвшин УИХ-ын дарга М.Энхболдыг чуулганы хуралдааныг дэгийн дагуу явуулахыг шаардсан нь УИХ-ын дарга асан З.Энхболдын мөрдүүлдэг байсан чуулганы дэгийг санагалзахад хүргэжээ.

Тэрбээр " Төсөвтэй холбоотой зүйлийг ярьж байгаа атал сэдвээсээ халиал яриад байдаг. 30 гаруй минут дэвэн дэлхийн юм ярилаа. Барьж хорих нь зүйтэй юу, Эрдэнэтийн асуудал гээд яриад байх юм бол үндсэн асуудлаасаа холдоод анхаарал төвлөрөхгүй сүүлдээ юу ярьж байгаа билээ гэж бодход хүрч байна.

Тийм учраас УИХ-ын дарга М.Энхболдолд анхааруулмаар байна. Зөвхөн төсөвтэй холбоотой зүйл ярьж саналаа хураадаг болмоор байна. Хоёр талд чөлөөтэй ярилцдаг, төгсгөлгүй маргааны индэр болох гэж байна шүү дээ. Ингээд яриад байвал надад ч гэсэн зөндөө  юм бодогдоод л байна.

Хуралдааны цаг гэж байна. Маргааш хуралдаад дууслаа ш д. Төсөн арваннэгдүгээр сарын 15-н гэхэд баталж дуусах ёстой. Өнөөдөр хоёр дахь хэлэлцүүлэг нь. Ийм учраас УИХ-ын даргыг дэгээ баримталж үндсэн асуудалтай холбоотой саналыг сонсоод саналаа хураагаад явдаг байвал зүйтэй байна" гэлээ.