УИХ-ын үдээс өмнөх чуулган эхлэх үеэр УИХ-ын гишүүн Л.Болд Сонгуулийн дүнг УИХ-аар хэлэлцэх саналыг хэлэв.

Тэрбээр хуралдааны хэлэлцүүлэг эхлэхээс өмнө сонгуулийн дүнтэй холбоотой дахин нэг баримт дэлгэв. Тодруулбал, Орон нутгийн сонгуулийн дараа СХД-ийн IX хорооноос Сүхбаатар аймгийн түвшин ширээ сумын 30 саналын хуудалс илэрчээ.

Энэ тухай УИХ-ын гишүүн Л.Болд "Орон нутгийн сонгуулийн  дүнг СЕХ дүнгээ танилцуулсан. Сонгуулийн дүн гарсан. Баянзүрх дүүрэг дээр АН ялсан байдаг.  6 гишүүний нэрийг хүчингүй болгосон. Зургаан гишүүнтэй холбогдох эл асуудлыг Шүүхээс хуульзүйн үндэслэлгүй байна хэмээн дүгнэсэн. Сонгуультай холбоотой энэ мэт будлианы үнэн зөвийг нь олохгүй бол ардчилал ганхаж эхэлж байна. Сүхбаатар аймгийн засаг даргыг томилох л хэрэгтэй ш дээ. Та бид чинь үндсэн хуулиа мөрдүүлэх ёстойг яаж олон нийтээс шаардах юм. Их хурал дээрээс орон нутгийн сонгуулийн дүнг ярилцаж хэлэлцэх асуудалд оруулж өгнө үү" хэмээлээ.

Асуулгын хариуд  УИХ-ын дарга М.Энхболд " Хурлаар зөвхөн хэлэлцэх асуудлаа хэлэлцнэ. Сонгуулийн Ерөнхий хороо Их хурлын тамгын газар тайлан материалаа өргөн мэдүүлсэн байгаа. Одоогоор хариу нь ирээгүй байна" гэсэн юм.