Ерөнхий сайд асан Н.Алтанхуягийн эхнэрийг хилээр гарахыг хориглоод байгаа. Тодруулбал, энэ сарын 5-нд түүний эхнэр Э.Сэлэнгэ Герман улс руу зорчихоор Москва-Берлиний чиглэлийн онгоцоор нисэх гэж байхад нь хуулийнхан саатуулсан юм.

Тэгвэл Ерөнхий сайд асан Н.Алтанхуягийн хамгийн бага дүүг ч мөн хилээр гарахыг нь хоригложээ. Одоогоор ямар шалтгаанаар хориглосон нь тодорхойгүй байна.

Түүний эхнэр болон дүүг нь хилээр гарахыг нь хориглосон нь улстөрийн шалтгаантай гэж тэд үзэж байгаа аж.

Ерөнхий сайд асан Н.Алтанхуяг саяхан мэдээлэл хийхдээ Ерөнхийлөгчид нэр дэвшинэ гэдгээ ил тодоор зарласан. Тиймээс түүнийг Ерөнхийлөгчийн сонгуульд нэр дэвшүүлэхгүй хэмээн улстөрийн дайралт хийж байж магадгүй юм.

Түүний эхнэр болон дүүг нь хилээр гарахыг нь хориглосон нь улстөрийн шалтгаантай гэж тэд үзэж байгаа аж.

Үүнээс өмнө түүнийг Ерөнхий сайдын суудлаас нь унагаахын тулд ойр тойрны хүмүүсийг нь “шоглож” байгаа юм хэмээн мэдэгдэж байсан билээ. Үнэндээ энэ мэдэгдэл нь ч хардлага төрүүлэхүйц хэмжээнд өрнөсөн түүхтэй. Тухайлбал, Н.Алтанхуягийн ахлах зөвлөх Л.Гансүхийг “Нүүрс” хөтөлбөрийн асуудлаар барьж, хорьж, ялласан.

Мөн энэ хэрэгт холбоотой хэмээн Б.Мөнгөнтуяа, Н.Даваахүү нарыг 200 хоногийн турш хорьсон. Гэвч “Н.Алтанхуягийн эхнэрийн дүү гэдгээрээ хэлмэгдэж хоригдож байна” хэмээн мэдэгдэж байсан Б.Мөнгөнтуяагийн хэлж ярьж байсан болгон үнэн болох нь нотлогдож, өдгөө түүний хоригдсон хугацааны хохирол, өмгөөллийн хөлсний мөнгийг олгохоор шүүхээс шийдвэрлэсэн юм. Мөн Ерөнхий сайд асан Н.Алтанхуягийн охиныг нь ч дээрх дуулиан тойроогүй.

Тэгвэл одоо түүнийг Ерөнхийлөгчийн сонгуульд нэр дэвших гэж байгаатай нь холбоотойгоор “шоглож” байж ч магадгүй хэмээн харж байна. Учир нь Н.Алтанхуягийг 2 жилийн өмнө Ерөнхий сайдын суудлаас огцруулсан өдөр эхнэрийг нь онгоцноос буулгасан, АН-ын ҮЗХ хуралдах энэ өдөр дүүг нь хилээр гарахыг хориглосон гээд л улс төрийн давхацлууд байгаа юм. Ийм ч учраас Н.Алтанхуягт өгч буй сануулга бололтой гэж хардаж байгаа аж.

24tsag.mn