УИХ-ын төрийн байгуулалтын  байнгын хорооны хуралдаан өндөрлөлөө. Хуралдаанд  СЕХ-ынхон оролцож, 2016 оны сонгуулийн дүнгийн талаар мэдээлэл өгөв. Мэдээлэлтэй холбогдуулан УИХ-ын гишүүн Л.Болд сонгуулийн үеэр илэрсэн зөрчлийн талаар хэд хэдэн баримт дэлгэсний дээр энэ асуудлыг  хяналтын байгууллагаар шалгуулж орон нутгийн сонгуулийн үр дүнг УИХ-ын чуулганаар хэлэлцүүлэх санал, шаардлага тавьж байгаа юм байна.

Тэрбээр өмнө нь УИХ-ын чуулганы хуралдааны үеэр сонгуулийн хар машинтай холбоотой зөрчилүүдийг хэлж, уг асуудлыг хэлэлцэх талаар мөн санал тавьж байсан юм.  Тухайлбал,

- Сум, дүүргийн ИТХ-ын сонгуулийн үеэр СХД-ийн 9-р хорооны санал авах 1885-р хэсэг дээр ажилласан санал тоолох машинаас сонгуулийн саналын хуудсыг CD-нд хуулж авсан. Гэтэл хар машинаас хуулагдсан 1419 саналын хуудасны 1114 нь тус тойргийн саналын хуудас байсан бол 305 нь Монгол Улсын Их хурлын сонгуулийн 24-р тойргийн 40 дүгээр хэсэг буюу Сүхбаатар аймгийн Түвшинширээ сумын саналын хуудас байсан.

- Сүхбаатар дүүргийн 7-р хорооны 1958-р хэсгийн санал авах байрны санал тоолох хоёр машины дүн мэдээг 2016 оны 10-р сарын 19-ний орой 22.07 цагт ажиглагч нарт өгсөн билл, CD-г шалгах явцад нийт уншигдсан хүчинтэй саналын хуудасны тоо 455 байх ёстой атал 793 саналын хуудас гарсан байна. Үүний 338 нь УИХ-ын сонгуулийн 38-р тойргийн 14-р хэсэг, Хөвсгөл аймгийн Бүрэнтогтох сум гэсэн 2 янзын саналын хуудас байв. 

- Сум, дүүргийн ИТХ-ын сонгуулийн СХД-ийн санал авах 1903-р хэсэгт 2016 оны 10-р сарын 23-нд болсон нэмэлт санал хураалтын дараа автомат машинд тоологдсон саналын хуудсыг CD-нд хуулж авахад Монгол Улсын Их хурлын сонгуулийн 37-р тойргийн 20-р хэсэг буюу Хөвсгөл аймгийн Ринчэнлхүмбэ сумын санал өгсөн хуудас бүхий 318 санал уншсан файл давхардан бичигдэн гарч ирсэн.

- Сум, дүүргийн ИТХ-ын сонгуулийн үеэр СХД-ийн 1903-р санал авах хэсэгт 2016 оны 10-р сарын 23-нд болсон нэмэлт санал хураалтад 914 хүний санал уншсан билл хэвлэж өгсөн байтал CD дээр 915 хүний саналын хуудас гарч ирсэн. Сонгуульд нэг сонгогчийн саналын зөрүүгээр ч шууд ялалт байгуулсанд тооцогддог.  зэрэг зөрчил дурдсан.

 Саналаа өгсөн сонгогчдын 14 хувийг 18-25 насныхан эзэлсэн бол 67.6 хувь нь 25-55 хүртэл насныхан байжээ.