Их Британи Умард Ирландын Нэгдсэн Вант Улсад суух Онц бөгөөд Бүрэн эрхт Элчин сайдаар С.Баяр томилогдож буй.

Түүнээс УИХ-ын гишүүн Т.Аюурсайхан " Манай улс баялгийн хараал туссан. Гадныхантай үгсэн хуйвалдаж эрх мэдэлтнүүд нь баялгаа өгөөд дуусч байна.  Оюутолгойн гэрээ манай улсад ашигтай биш.

Нэг ч доллар гардаггүй гэж С.Баяр та хэлсэн.  Монгол улс хөрөнгө оруулалт хийгдэх тоолонд зардал хийгдэж өр өсч байгаа.   Та оффшорын талаар юу гэж бодож байна. Оффшор дансыг гэр бүлээрээ эзэмших нь зөв үү. Оффшорт 15 их наяд байна гэсэн судалгаа байгаа.

Энэ төсөвт байх ёстой гэж судалгаанд тусгасан байдаг. Энэ баялгийн хараал тусгасан хүмүүст хуулийн хариуцлага хүлээлгэх ёстой гэж үзэж байна?. Таны очих гэж байгаа улст Оффшорын талаар шал өөр ойлголттой байдаг шүү дээ" гэсэн түүний асуулгад Ерөнхий сайд асан С.Баяр хариуллаа.

Тэрбээр  “Надад оффшор данс байхгүй. Улс төрч хүнд оффшор данс  байх ёсгүй гэж үздэг. Гэхдээ хуулийн зохицуулалт нь ямар юм. Миний очих гэж байгаа улсын хувьд ямар үйл явдал болсонд мэдэх юм алга. Оффшор данстай холбоотой асуудлаар шалгуулж хариуцлага хүлээхэд би бэлэн байна" гэсэн юм. Гишүүд асуулга асуусны дараа Элчин сайдаар томилогдох гишүүдийн санал асуулга бол УИХ чуулган түр завсарлалаа.