УИХ-ын чуулган үргэлжилж байна. Хуралдаанаар Монгол Улс байнга төвийг сахих тухай хуулийн төсөл болон төсөлтэй холбогдуулан Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах тухай хуулийн төсөл, Хууль баталсантай холбогдуулан авах арга хэмжээний тухай, Монгол Улсын үндэсний аюулгүй байдлын үзэл баримтлал батлах тухай тогтоолын хавсралтад өөрчлөлт оруулах тухай, Монгол Улсын гадаад бодлогын үзэл баримтлал батлах тухай тогтоолын хавсралтад өөрчлөлт оруулах тухай Улсын Их Хурлын тогтоолын төслүүд /Монгол Улсын Ерөнхийлөгч 2015.10.19-ний өдөр өргөн мэдүүлсэн, хэлэлцэх эсэх/-ийг хэлэлцэж байна. Үүнтэй холбогдуулан  УИХ-ын гишүүн С.Эрдэнэ

 “Үндсэн хуулиар олгогдсон аливаа иргэнийг аливаа байдлаар ялгаврлан гадуурхахыг хориглоно гэсэн заалт зөрчигдөж байна. Иргэдийг хомроголон халах ажил эрчтэй явж байна. 1930 хэдэн оны үетэй адил хэдэн мянган хүнийг буудаж байсан шиг иргэдийг үндэслэлгүйгээр олон мянгаар нь халж байна.

Өнөөдөр эрх баригчидтай тэрсэлдвэл шүүхийн хаалга татдаг боллоо. Үүнийг эрх баригчид юу гэж үзэж байна. н.Чойжилсүрэн 20 мянган төрийн албан хаагч хална гэсэн биелэлээ олж байна. Үүнд би хүлээцтэй хандсан. Одоо бүр  цэвэрлэгчийг хүртэл халж байна.

Хэн олон хүн халсан бэ гэдэг социалист уралдаан зохиож байна. Үндэсний хуулиа баталсан ойн өдрөө тэмдэглэе гэж байна. Гэтэл иргэдийг үзэл бодол арьс өнгөөр нь ялгаварлан гадуурхахыг хориглоно гэсэн Үндсэн хуулийн заалт өнөөдөр хамгийн их зөрчигдөж хэвийн үзэгдэл болоод байна. Эрх баригчид дэндүү дарангуйллаа тогтоож байгаа юм бишүү. Үүнд эрх баригчид  хариулмаар байна"

Түүний хариуд УИХ-ын гишүүн  Я.Содбаатар

 “1924 онд Монгол Улс  анхны Үндсэн хуулиа баталж байсан. Энд хүний эрхий олон асуудлыг хөндсөн байдаг. Тиймээс бүх нийтийн баярын өдөр болгон оруулж ирж байгаад дэмжиж байна.  Төрийн албаны хуулийн хүрээнд Монголын төр үйл ажиллагаагаа явуулж байна. Нэг өдрийн дотор 28 хүнийг танай намын гишүүн  халж байсныг тодхон санаж байна. Хэрээ хэрээнийхээ хараад яахав. Хуулийн хүрээнд хэлэлцэж ярьж болно" гэлээ. Чуулган үргэлжилж байна.