Яг одоо УИХ-ын нэгдсэн чуулган хуралдаж байна. Чуулганаар Санхүүгийн зохицуулах хорооны орон тооны болон орон тооны бус гишүүдийг томилох, чөлөөлөх тухай асуудлыг хэлэлцэж буй юм.

Санхүүгийн зохицуулах хорооны орон тооны болон орон тооны бус гишүүдийг томилох асуудалтай холбогдуулан УИХ-ын гишүүд үг хэлж байгаа юм. 

УИХ-ын гишүүн Ц.Нямдорж: "Эдийн засгийн байдал онцгүй байна. Төгрөгийн ханш тогтворгүй байна. Ийм үед шуурхай ажиллагаанууд хэрэгтэй болоод байгаа юм. Санхүүгийн тогтвортой байдлын зөвлөл гэдэг юм хэдэн удаа хуралдсан бэ? гэж асуусан чинь 2 удаа гэдэг тоо хэллээ. Хуулийн дагуу байгуулагдсан зөвлөл маягийн энэ нөхдүүд эдийн засгийн байдал ийм хүндрэлтэй байхад хоёрхон удаа хуралдсан гэдэг тоо сонсоод сэтгэл дундуур байна. Энэ мэргэжлийн байгууллагууд хамтын ажиллагаагаа идэвхжүүлэх хэрэгтэй. Монгол банк, санхүүгийн хороо, аудитын газар өдөр болгон шахуу хамтран ажиллаж байж хүндрэлээс гарах аргыг тодорхойлох ёстой. Гэтэл нэг саланги дугуйнууд өөр өөрийнхөөрөө өнхөрөөд байх юм даа" гэлээ. Чуулганы хуралдаан үргэлжилж байна.