УИХ-ын чуулганы хуралдаан өнөөдөр 11:00 цагт эхэллээ. Чуулганаар   Монгол Улсын эдийн засаг, нийгмийг 2017 онд хөгжүүлэх Үндсэн чиглэл батлах тухай тогтоолын төсөлийг хэлэлцсэн юм.

Байнгын хороодын хуралдаанаар хэлэлцэж гаргасан  зарчмын санал тус бүрээр санал хураалт явуулж,  Монгол Улсын эдийн засаг, нийгмийг 2017 онд хөгжүүлэх Үндсэн чиглэл батлах тухай тогтоолын төслийг баталлаа.

Үүний дараа Эдийн засгийн хүндрэлийг даван туулах, тогтворжуулах хөтөлбөр батлах тухай УИХ-ын тогтоолын төслийг хэлэлцэж байгаа юм.  

Хэлэлцэж буй асуудалтай холбогдуулан УИХ-ын гишүүн Ш.Раднаасэд “Ажилгүйдлийн түвшин хэдэн хувь буурах, өрийн дарамтыг хэдэн хувь бууруулах боломжтой юм. Энэ хөтөлбөр хэрэгжсэнээр зээлийн дарамт хэдэн хувиар багасч, хөрөнгө оруулалт хэзээ нэмэгдэх боломжтой вэ.

Эдийн засгийн хүндрэлээс гарахын тулд хэмнэлтийн бодлогыг тусгаж ажиллах нь эдийн засгийн хүндрэлээс гарах арга нь биш үү, үүнийг яаж тусгасан юм” гэсэн асуултад Сангийн сайд Б.Чойжилсүрэн “Шинэчлэлийн Засгийн газар байгуулагдсанаас хойш ажилгүйдлийн түвшинг гурван хувиар бууруулна гэсэн зорилт тавин ажиллаж байна. Мөн хэмнэлтийн горимд шилжихийн тулд Засгийн газар, төрийн байгууллага гээд бүх шатандаа хэмнэлтийн бодлого явуулах нь зүйтэй гэдэг дээр санал нэгтэй байгаа” гэлээ.

Чуулганы хуралдаан үргэлжилж байна.