Ардчилсан намын дарга нэр дэвшихээр Г.Батхүү, Шинэчлэлийн нэгдсэн хөдөлгөөний зохицуулагч М.Чимиддорж нар нэмж бүртгүүлжээ. Ингээд өнөөдрийн байдлаар зургаан хүн албан ёсоор нэр дэвшихээр бүртгүүлээд байна.

Тухайлбал УИХ-ын гишүүн С.Эрдэнэ, Ж.Батзандан, Л.Болд, УИХ-ын гишүүн асан Л.Гантөмөр, Г.Батхүү, Шинэчлэлийн нэгдсэн хөдөлгөөний зохицуулагч М.Чимиддорж нарын хүмүүс нэр дэвших хүсэлтээ илэрхийлээд байгаа аж. Намын даргад нэр дэвшигчдийг энэ сарын 17 хүртэл бүртгэх юм. Ингэснээр намын даргын сурталчилгаа албан ёсоор эхлэх бөгөөд АН-ын дарга ирэх сарын 29-нд намын бүх гишүүдийн сонгуулиар тодорно.